Die Macht der Sünde
Wie d‘ Welt erschaffe worre isch
Un d‘ Eva war gebore,
Do henn die Mensche s‘ Paradies
Nadierlich glei‘ verlore.
Dann wo e Frauezimmer halt
Emol e Roll duht schpiele,
Do kann der Mann im Paradies
Sich nimme wohl drin fühle.
Un wär der Apfelbaum sogar
En Kaktus g’west mit Schpitze,
Un hing am Kaktus e Plakat:
„Verbote, druff zu sitze!“,
So hätt’s die Eva durchg’setzt, daß=
=se’s Verbot verletze,
Un hätt der Adam g’wiß verleit‘,
Sich in die Schtachle z‘ setze.
Un der hätt’s sicher a geduhn,
Der Latsche dann, der sündich;
Kommt d‘ Eva in Betracht, nord isch
Der Mann halt nimme mündich!
Koin Kommendar zu demm Inhalt….numme e Froog‘: wer hot den Fritz R. widder do im Blog zidiert , ohne sein Name zu nenne ???
Ich kenn jo de Kaktus nur als Schwiegermudderstuhl. Awwer mol ehrlich: de Römhildt hät do au mol druffgsetzt g’hört!