Am Freidag ware ma in de Näh von Bad Herrealb. Des isch do, wo’s Albtal in de Schwarzwald mündet. Do gibt’s so viele schöne un gude Lokale, wo zu empfehle sin, dass ma die Qual der Wahl hat. Jedefalls simma in eins von dene viele eig’lade worre. Un weil i kei Schleichwerbung mache will, nenn i des jetzt aifach emol „Kloschderschmiede“.

Ich kann euch sage, des Lokal, des war de Wahnsinn! Ein Augeschmaus, glei wemma rei kommt. Baumstammscheibe an de Wand nebe de Thek, obbe in de rechte Eck en uralter Schlitte, Vorhängle mit Herzlen an de Fenschter, ruschtikale Windlichter uff dene dunkle Holztisch, un de Clou: en echter, alter, grüner Kachelofe schräg gegenübber mit so Omakisse druff un drum rum – also alles in allem todal urig un g’mütlich! Die Bedienung todal freundlich, die Gläser gut eig’schenkt bis obbe hie, un dann des Esse! Mmmm! Die Fleischküchle todal saftig un zart, un de Kadoffelsalat hat g’schmeckt wie frühr bei de Mudder – ei Gedicht! Überhaupt, die Leit do drin, so was von höflich un nett, so richdich gediegenes Pulikum! 5 Stund simma do drin g’hockt! Ha jo, mir habbe jo schließlich en runder Geborzdag g’feiert un habbe uns alle so g’freut, dass ma uns endlich widder g’sehe habbe! Luschdig war’s au – hach, was hem mir g’lacht! Außerdem war’s richtig mollig warm do drin, in dere Stub. Un – jetzt emol unner uns – deswege simma jo eigentlich hie gange!