Des werd scho widder!

Was isch los, du gugg’sch so finschter! Isch dir e Laus üwwer d’Lewwer marschiert?

Des kann’sch laut sage! Mir hat’s ordentlich d’Petersilie verhagelt!

Jo, s’werd scho net so schlimm sei! S’isch doch gege alles e Kräutle g’wachse!

Awwer net in dere miserable Zeit! Wie soll denn des noch weitergehe?…

Ah, do derf mer net verzwazzle, des wird au mol widder besser!

Wenn’s awwer nimmee so werd, wies emol war?

Dann muss mer’s halt nemme, wie’s kommt. S’gebt halt emol koin Grantieschein im Lewe.

Bloß dass garantiert bei mir immer alles schief geht!

Wenn’s schief geht, muss mer oifach emol fünfe grad sei lasse, des rückt sich scho widder zurecht.

Moinsch? Ich heb s’Gfühl, dass grad alles de Bach nunner geht!

Dann musch halt e Weile gege de Strom schwimme. So schnell geht mer net unner!

Du hasch leicht rede, du musch’s jo net ertrage!

Noi, sell net. Awwer s’hat doch jeder sei Päckle zu trage un irgendwann scheint au d’Sonn widder.

Die helft au net, wenn oim de Wind so hart ins G’sicht blost.

Dann dreh de rum; mit Rückewind geht’s leichter! Do muss mer sich halt emol e bissle dagege stemme!

Ja, ja – un dann widder mit em Kopf gege die selb Wand renne!

Ach was, des bringt oim net glei um! Mer muss sich manchmol au durch ebbes durchbeiße!

Wenn mer eh scho uffem Zahnfleisch doherkommt? Wie soll den des klappe?

Ha, wenn gar nix klappt – dann sodd mer vielleicht oifach d’Klapp halte – ewig nur jammere bringt au nix.

Dankschee für den gute Rat! Ohrfeige austeile – des kann’sch gut!

Mensch Kerle, mer muss halt au mol d’Ohre steifhalte. Moinsch vielleicht bei de annere geht alles glatt?

Ha, zumindescht s’Glück kehrt awwer immer nur bei sellene ei!

Dann stell de doch uff die Hinnerfüß un helf der selwer – jeder isch seines Glückes Schmied!

Un wenn oim s’Glück dann awwer oifach so durch d’Finger rinnt?

Dann muss mer’s halt feschthalte, s’Glück, un net glei widder loslasse!

Wenn’s awwer nur noch am seidene Fädele hängt, des Glück?

Dann muss mer halt au mol loslasse un Ballascht abwerfe!

Mit ere Zentnerlascht uffem G’müt isch des net so leicht!

Dann derf mer’s ewwe net so schwer nemme un immer alles nur schwarz sehe!

Wenn’s do awwer koi Licht am End vom Tunnel gebt?

Dann musch’s oifach durch die rosarot Brill betrachte, sonscht komm’sch uff koin grüne Zweig!

Ja, un die beschte Früchte hänge sowieso widder uffem höchschte Zweig!

Dann hoißt’s erscht recht: Kopf hoch – au wenn de Hals dreckig isch!

Vor lauter Elend heb ich jetzt en richtige Kloß im Hals!

Jo, manchmal muss mer au mol ebbes schlucke. S’gebt halt net für alles e Lösung.

Ach Gott, un wenn’s gar koin Ausweg mee gebt? Wenn oifach alles net helft?

Ich sag dir mol was: wenn wirklich nix mee helft, dann helfe schlaue Sprüch am allerwenigschte! Un ganz ehrlich: mir falle jetzt au beim beschte Wille koine mee ei!