Der Beschiss

In de brettemer Bohhofswertschaft isch frieher mol e Schild ghengd:
Ess un dringk solang ders schmeggd, schun zwaimol isch es Geld verreggd

Des isch also schun länger her un inzwische hemmer jo de Euro un laider gottseidank a noch die europäische Zentralbank (EZB).
Die duhd so, als wenn se fer uns kloine Wicht was iwwerich häd un se sagd, sie willfer die Preisstabilität sorge. Awwer mir scheint, dass des so ebbes isch wie mei Xundhaitsschdabilidäd.
Die seht aa aus wie schdabil (wenn annere gugge), awwer se wird jeds johr  schlechder. Gud, immerhin ben e schun e bissle elder als wie de Euro.
Blos hald, die EZB moind, dass es Preisstabilität wär, wenn mer jeds Johr  zwai Brozend Inflazion hedde.
Des herd sich aa net schlimm oh, un die scheine druff zu verdraue, dass viele heit nemme brozendrechne kenne. Mir Eldere henn schließlich in de Siebzicher aa schun finf, sechs un siwe Brozent Inflazion erläbd, awwer do hots a noch Lohnschdaigerunge gewe un uffem Konto hemmer aa wenich zum Verzinse ghadd.
Des isch jo de annere miese Punkd bei der Sach: Wenn ders glingd, ebbes fer des Alder uf d Seit zu lege, weil des mid de Rende awwer ned so sicher isch, wie de Blüm mol brofezeid hod, dann gebts jo dodefier so gut wie koine Zinse meh un so wird mer also jeds Johr um die Inflazion ärmer, bei zwai Brozend hosch do aus hunnerd Euro noch zeh johr blos noch de Werd vun achzich.
Des dreffd a ned alle gleich. Weil alle wege dere Geldentwerdung zum Beischbiel Heiser kaafe welle, werre die mehner deier als wie die Inflazionsrate. Un die, wo die Heiser dann zum Wohne miede misse, solle viel meh zahle, aa wenn se blos Mindeschdlehner oder Hartzer sin.
Do gebts Beischbiel grad gnung, wie schlechd des fer de Verbraucher isch.
Fer die, wo sich draue, Schulde zu mache, isches erschd mol ned schlechd, weil se jo faschd koine Zinse zahle misse, des gehd awwer blos solang gud, wie die EZB die Zinse net ohebd, un aa e zinsloses Darlehe muss mer mol zriggzahle.
Die Finanzminischder fraie sich nadierlich, weil se fer die Schdaadsverschuldung faschd koine Zinse zahle misse, mindeschdens bis jetz.
Die FED in de USA machd awwer jo schun annere Zinserhehung rum.

Mein Vadder hod mir mol glehrd:
„Du griegsch im Lewe nix gschengd, a wenns mol so aussehd, ergedwann musch es blude.“

Do ben i schun rechd gschbannd druff……………..

OA0821