Dem Leser zur Beherzigung
Wann ich als vor mein’m Schreibdisch schteh
Unn wann’s Papier nord g’rich_isch
Nemm ich mei‘ Blei in d’eine Hand
und mit der and’re dicht=ich!
Deß isch kei‘ Kunscht doch’s Schwerschte isch
Enn rechter Titel z’finde
Wann der emm Inhalt net entschpricht
Nord sitzt=mer in der Tinte.
Als Bu‘ hab ich bei’m Döring als
For manchem gute Batze
Juckpulver kauft, des war enn Schapss
Des Jucke und des Kratze.
Die Buwezeite sinn vorbei
Mer werd halt g’scheiter schpäter
Drumm hab ich jetz schtatt an der Hand
Des Pulver in der Feder!
Wann Euch des Pulver beiße des=wo
Ich in des hab g’schriewe,
dann kratzet halt und lachet mit
Nord bleibt Euch g’neigt in Liewe
Euer Romeo
aus „Juckpulver“ erschienen in 1915 im eigenen Verlag
Wann i dess les, dann froog i me, ob dess irgendwu was mit dem Juckpulver zu duh hot, wann mei Lieblingsoma als gsagt hot : „Heit hawwi mer mol widder gar „koin „Pulv gewwe kenne “ ! (?) un gmoant, dass si zu nix Luscht ghat hedd un koin Oatrieb in koinere Richdung…
Wann die Fraa gwisst hedd, dass ma so ebbes wie dess Juckpulver in de Schdadt beim Döring hedd kaafe kenne … (!?)