De Zeitgaischd………..

So, jetz hämmer also zwai kwasi Bundesregierunge in Berlin un nomol mehner
Länderregierunge. Un was dehn die alle?
Faschd alle quatsche se endlose Tirade ohne Punkt un Komma in allene Medie.
Was isch un was kumme werd, werd brofezeid. Lauder „Herr Lehrer, ich wais was“-
Type. Aa wenn se nix werklich wisse. Awwer die Zukunft ännerd sich jo jetz grad vun Schdund zu Schdund.
Zammegfassd kennd mer moine, dass die ganze deitsche Planungsmannschaft vum BERLIN, der wo jo aa no net funkzionierd, ans Xundhaitsminischderium abgeordned worre isch. Ewich werd driwwer palaferd, ob, un wann mer e Impfpflicht brauchd, un dass mehner sich impfe losse misse.
Inzwische sen Uhzähliche, wo sichs iwwerlegd henn, sich impfe zu losse schdundelang oft ummesunsdchd Schlange gschdanne un unsere glorreiche Verwalder waren net in de Lage, die aa zu impfe. Was soll mer do mid Impfpflichd?
Ii denk emol, dass Leit, wo im Schdand sen, selbschdändich e Heisle zu baue, gscheit gnug wäre, des zu mänädsche, wenn mer se losse dähd un net mid aller megliche Birogratie am Mache verhinnerd.
Do kann e gar ned soviel esse, wie e do kotze mechd.
Ob sich do mol noch was ännerd bevor sich die Menschhaid selwer ausleschd?

OA1121