De Kopf brummt und die Rotznas führt ihr Eigelebe.
De Huschte schüttelt mei Hirn und stülpt mei Inne nach Auße.
Jeden Tag häb ich de Coronatest g’macht.
Ich häb gedenkt, glei komme die zwei rote Streife.
Nix! Immer nur äuner.
Wenn ich so rausgehe dät, werre se alle schnell in de Deggung und brüllet:
„Vorsicht! Corona – Zombie“!
Abba ich häb ja bloß de normale Verregger, ä Männergripp, ä Erkältung halt.
Ich lieg net im Trend! Nur uf de Nas.
Käuner macht G’schiss. Käuner bangt um mei Lebe. Neddemal de Lauderbach.
Normaler geht’s nimmer.
„Wann kommsch wieder Schaffe“? Fragt de Kalle.