Du hosch doch Erfahrung
Du kennsch de doch aus
ab morge häbe   a en Pensionär em Haus
do geht mers dann gut mir den d’Ärwed verdähle
e Verdele drinke un viel verzehle
mir fahre Rad gucke nimmih uff d‘ Uhr
de Wecker bleibt steh morgeds do bin e stur

Ja ja sagt d‘ Nochbere wart erscht emol ab
Pensionär sin em Ofang ganz schee newer de Kapp
Du kannsch nimmih in Ruh Dei Zeitung lese
wenn sauwer machsch stolpere se üwwer de Bese
wenn oiner angelt odder Pilz sucht dann hosch echt Glick
vor vierehalb Stund kommt der ned widder zrick
meiner macht gar nix der spielt bloß Klavier
i hörs sagt die anner ’s kommt bis riwwer zu mir
mir den seither d’Fenschter gut verschließe
beim siebte Mol Albumblatt für Elise

Zur Zeit ischer grad bei de Mondescheinsonate
do flüchte in Garde zu meine Tomate
die sin richtig gegrote un viel scheener jetz
seit ih noch Note mit dene schwätz
jetz noch zwoi Etüde dann hodder sein Friede
er macht heißes Wasser de Teekessel pfeift
uff d’Minut musse nei, ’s Pensionärslebe greift!

Aus dem Buch „Abziehbilder“ von Else Gorenflo
aufgeschrieben von Judith Rimmelspacher  mit Einverständis
meiner lieben Freundin Else