Du hasch doch Erfahrung
du kennsch de doch aus
ab morge häb e a en Pensionär em Haus
do geht mers dann gut
mir den d’Ärwed verdähle
e Verdele drinke un viel verzehle
mir fahre Rad gucke nimmeh uff d’Uhr
de Wecker bleibt steh‘ morgeds do bine stur

Ja ja sagt d’Nochbere wart erscht emol ab
Pensionär sin em Ofang ganz schee newer de Kapp
do kannsch nimmeh in Ruh dei Zeitung lese
wenn sauwer machsch stolpere se üwer de Bese
wenn oiner angelt odder Pilz sucht dann hasch echt Glick
vor vierehalb Stund kommt der ned widder zrick
Meiner macht gar nix der spielt bloß Klavier
i hör’s sagt die anner ’s kommt bis riwwer zu mir
mir den seither d’Fenschter gut verschließe
beim siebte Mol Albumblatt für Elise

Zur Zeit ischer grad bei de Mondscheinsonate
do flüchte en Garde zu meine Tomate
die sin richtig gegrote un viel scheener jetz
seit i noch Note mit dene schwätz‘
jetz noch zwei Etüde dann hodder sein Friede
er macht hoißes Wasser de Teekessel pfeift
uff d’Minut musse nei ’s Pensionärslebe greift!

Das kommt uns doch bekannt vor – ein wunderbares
Else- Gorenflo-Gedicht mitten aus dem Leben…..
aufgeschrieben von Judith Rimmelspacher