De Lauterbach als Werbeträger ?
Uff de Titelseit von unserer Tageszeitung war in derre Woch emol e
Foto vom Gsundheitsminischter Lauterbach abgebildet, wo er sich
grad impfe lasst.
E scheens dunkelblaues Trikot hatter aghabt, miteme weiße Krage
un denne drei Schtraife uffem Ärmel, die wo jeder Schportler kennt.
Am ufffälligschte abber war des net zu übbersehende knallweiße
adidas-Logo. Do isch mer doch sofort de leise Verdacht uffkomme,
dasser bei denne vielleicht en Nebejob hat.
Von unsere Politiker habbe jo noch nie was ghalte. Un ausgrechent
de Lauterbach, einer von de wenige Ausnahme, von denne ich was
halt, macht für adidas Werbung ? Nai, des kanne mer beim beschte
Wille net vorschtelle.
Trotzdem, e bissle meh’ Sensibilität dätem Lauterbach bschtimmt
nix schade. Immerhin ischer jo Bundesminischter !
23. September 2023
De Lauterbach als Werbeträger ?

Jürgen Friese

Kommentare
Nee, Jürgen, hosch recht…basst sich net un basst a net zu’em… Un iwwahaupt, de Wechsel vum Oazuug mit Hemm un Probeller zum T-Shirt mit Halbärml…isch net so iwwazeigend !
Ha, des isch schun e scheens Thema, awwer wann die 3 Schdrich vermeide wilsch, dann musch beim Eikaafe schun vorsichtig sei. Des falld mer schun iwwerhaubd grad nemme uff, was die Leit fer irrsinnische Texte uff ihrm Ranze rum draage. Ab un zu mechte schun kinesisch kenne, wer waiss denn, was die druffschdeh henn.
Awwer vor lauder Lecher in de Klamotte falle als die Texte aa nemme uff. Un aa Dreischraifeschuh sehn runnerglatschd mid offene Bendel aa net ghrad schee aus. Isch hald alles Gschmaggsach.
Do kummts oim aa manchmol komisch vor, wenn do en foiner Gegedailicher mid eme (z enge) schwarze Ohziegle un mid ere Schene Flieg rumschdolzierd.
So isches hald worre, was solls………………..
Moint de Otto