31. Mai 2022

De i -dipfele Scheißer

Buddy Hills

Kommentare

De i-dipfele Scheisser

De Hilde ihr Junger isch än i-dipfele Scheisser.
De i-dipfele Scheißer isch unner de Gälfießler scho fascht än Schwob.
Mir kenne drei Modelle.
Feminin, Maschkulin und seit neischdem: Diverss
Er driggt alles bis uf zwäu Stelle hinnerm Komma korrekt aus
Un wenner d’Labb uf macht, kommt nix naus,
was irgendwelle diskriminiere däd.
Egal ob se ebbes tauge oder ned.
Es fehlt als demm i-dipfele Scheisser ä gewisses Maß
an Schwingungsfähigkeit.
Des macht als de Umgang uhgemiedlich
uf Koschte von de G’selligkeit.
Die Welt zwische’m Schwarzwald un em Rhein
isch fruchtbar un sonnig,
wasses äm wonnige Wese vom Badner
hilfreich macht, de i-dipfele Scheisser zu dolleriere.
Un alsmol kann ma sellen i-dipfele Scheisser
durchaus fier ebbes gebrauche.
De springende Punkt beim i-dipfele Scheißer isch:
sei Sprachentwigglung!
D’Hilde guggt immer, sei Dialekt sicher zum stelle
Damidder ned vergesst, wo er dahäum isch.
Sagtse.
Un:
Weil er sich als verheddere duud
in so äm g’stelzte Hochdeitsch.
D’Hilde sagt:
Ä g’sunde Muttersproch isch des mindeschte,
mid waas ich ihn ä bissele
erde‘ kann.

0 Kommentare

Einen Kommentar abschicken

Deine E-Mail-Adresse wird nicht veröffentlicht.