8. Juli 2021

De heidich Dag

Otto Arnold

Kommentare

De heidich Dag

Mer heert u leest i oinem Schdigg,
die Ami wäre alle zu dick.
En Schdadisdichbligg kennt sich do lohne,
wegerem Mais un aa de Sojabohne.

Mer wais es net, wie des endschdehd,
dass alles uf die Hifte gehd.
Weil soviel Schdiehg un a noch Fisch
do net so grad die Ursach isch.

Jetz henn se awwer sich verrode!
S isch net wegerem Rinderbrode,
sie henn alles ganz genau erkannd,
un de achde Julai zum Milschschogladedag ernannd.

Do sehd mer widder  zweifelsohne,
es isch ned vun de Sojabohne.
Un aa de Mais koh mer vergesse,
wenn se blos Milchschoglade esse.

OA0721

0 Kommentare