Mei Mudder hot als en monche Johre gsagt: “Oh je, dessjohr isch widda so frieh Fassnacht, dass d’Heiliche Drei Keenich arg schnell laafe misse, dass si net vun de erschde Narre iwwarennt wärre….”

Vorgeschdern war oaner do vun denne drei Keenich, e gonz elloij….uhne Keenichsgwond un Kron, dodefor mit’eme dicke Anorak un ’s Gsicht halwer zumassgierd… Mi’m Fahrrad isch’er kumme, hot bei uns gschellt , gonz korz gsagt, was zu sage isch un uns donn genauso horddich de Sege gewwe: e schwarz Gleeweschdraifl mit de  iebliche weiß gedruckte Buchstaawe un Zahle druff (C+M+B 2021) wie schun seit Johre zum Noagleewe an d’ Hausdeer.

Koi Lied hot’er gsunge, koan Schbruch uffgsagt, koan Weihrauchkessel gschwenkt em Wohnzimmer (dodebei wär uns dess dessjohr so ebbes vun recht gwest)…
numme denn  Sege he’mer griegt  – wie schun gsagt, uff’m Uffgleewer… un eme Zeddl mit’ere Kontonummer zum Iwwerwaise debai…

Jo alla, besser wi nix !

Un donn isch er widda gonz schnell devogradlt…

Awwa i glaab : net werre de Narre … (???)