de Murphy war‘s

Seller Schpruch muss bei uns immer herhalte, wenn irgendwas
Unerklärliches passiert isch. Wenn zum Beischpiel ‘s Butterbrot uff
de Bode gfalle isch. Un wohie isch’s gfalle ? Natürlich immer uff die
Butterseit. Odder wenn was runnergfalle un fortgrollt isch. Un wohie
isch’s grollt? Natürlich immer unner en Schrank odder unner die
Kommod, jedenfalls immer dorthie, wo mer net glei drakommt.
Beischpiele für sowas gibt’s jo gnug. Wenne mer so vorschtell,
wieviel Einzelsocke bei de Leut in de Schränk ligge, bloß weil so en
Socke beim Wäsche in de Waschmaschin verschwunde isch.
Des isch e Sach von elementarer Bedeutung in jederer Familie.
Un ‘s Rätselrate, wer odder was do dra schuld sei könnt, isch groß.
…. un bei uns, do war’s halt immer de Murphy !