Corona-Ros
En dem Johr hot mei Lieblingsros ihr Aussehe verännert. Em Herze vun de Blieteblätter sen kloane, inännaner verschlungene griene Blättlin gwachse, wu noch kleenere winzische Blietlin beschitze dunne. Isch häb verstanne: Die Könischien vun de Blume hot sisch ä Kron uffgesetzt. Schönheit siegt iwwer die stachelische Kiggelsche, wu sou viel Elend iwwer die Menschheit bringe. Des isch die Antwort vun de Schöpfung uff „Corona“, do bin isch mer en dem Mument ganz sischer.
Un dann hot ao noch mei Dachwurz ä Kron aoglegt. Ob tatsäschlisch die Natur geje den Virus zum Wettkampf uffruft? Odder, ob vielleischt isch schun vor lauder Corona, bloß noch Krone en meim Gaode seh?