Heit in de Netznoochrichde (nationalgeographic.de) glese:
„Warum künstliche Intelligenz gefährlich werden kann.
Fortgeschrittene KI könnte sich in den kommenden Jahren verselbständigen und gegen ihre Erfinder wenden, warnt eine Studie der Oxford University. Wird die Technologie der Menschheit zum Verhängnis ? „
Ach nee….dess frooge die jetzt un dodefor hot ma umfangreiche Studie mache misse, um so e Froog zu schdelle ?
Die henn scheints de „Zauberlehrling“ vom Goethe net gekennt…denn hedd ma kenne kenne , isch 1827 schun gschriwwe worre , also fascht 200 Johr ald ! ( i hawwe’n domols noch ausewennich lerne misse in de Schul !)
Wer ‚en net kennt un net viel driwwer waiß, kann sich de ganz Text im Netz suche. Ansunschde a versuche, mir grob zu folge:
De Meischder isch aus’m Haus, de Lehrling, will mol ausprowiere , ob’er’s a kann wie der…en alde Besse isch sei Hilfsmiddl. Awwer ’s geht net bloß um denn, dess wärd’der schun sehe…
De Zauberlehrling macht dem Besse en Kopf (wirkt dann wie en Mensch) un befiehlt dem , Wassermasse herzuschaffe fa e großes Badbecke zu fille. ’s klappt, der Kopfbesse bringt immer meh Wasser mit Oimer un wärd a immer schneller, die Wassermasse wärre immer greeßer un dann a irgendwann lange sie. Do middldrin hot sich der Lehrling oinerseits iwwer sei Zauwerkraft gfrait , gleichzeidich will er awwer a, weil die Wassermenge immer bedrohlicher wärre, alles schun längscht iwwergloffe isch, dass alles sofort widder uffheert., seller Kopfbesse nimmeh weider rennt zum Wasserhole.. Er schreit ihn oa und bfiehlt’em „Stehe ! Stehe !“, awwa ’s hllft nix, der rennt immer weider…
Jetzt sucht de Lehrling noch dem Zauwerwort, wu denn zum Schdehe bringt, bringts awwer nimmeh zamme, während er s’Gfiehlt hot, dass hunnerd Flüss uff’n ei’schdärze, ruft er verzweifelt in dem sei Richdung: “ Wärst du doch der alte Besen !“ und schreit ihn a noch oa : „Oh, du Ausgeburt der Hölle !…“ awwer a dess juckt denn koi bissl. Dessweege iwwalegt sich de Lehrling was annerschts, nemmt e Beil un schlecht dess Holzschdick mit Kopf vun owwe bis unne durch un denkt, jetzt hedd er sich endlich befreit vun dem U’getüm…
Awwer was bassiert ? Jedes Dail fer sich rennt widder los un schafft Wasser bei…dobbled soviel un doppld so schnell noch wie vorher…als sei Knecht‘ , mit sei’m Uffdraag !
’s kummt zum Notruf: „Helft mir ach ihr hohen Mächte !“ un „Herr und Meister, hör mich rufen !“
Un der kummt dann, awwer der Lehrling muss ihm gegeniwwer bekenne: “ Herr, die Not ist groß ! Die ich rief, die Geister, die werd ich nicht los ! “ (?) Un der verweist dann erschtmol die Besse, dortnoa, wu sie noagheere : “ In die Ecke, Besen, Besen, seid’s gewesen ! Denn als Geister ruft Euch nur zu seinem Zwecke erst hervor der alte Meister !“
Denkt jetzt mol an d‘ Kinschdlich Intelligenz….
Kann do en „Harry Potter“ ebbes uffhalde ?
Fa mi widder en Grund meh, die Art vun Klassik (grad a an de Schule) koinere Generation vorzuenthalde.
Ich kann den Zauberlehrling auch noch auswendig, eins meiner Lieblingsgedichte,
vor einiger Zeit mit dem Enkel gelesen, er musste ihn auch auswendig lernen, das hat mich
gefreut und ich hab‘ ihm die Betonungen vorgesagt, besonders bei „Walle, walle manche Strecke,
dass zum Zwecke Wasser fließe… Unglaublich spannend!
Danke Angelika!