6. Mai 2020

Befindlichkait

Wolfgang Mueller

Kommentare

Grad hot me oiner gfrogt, wie mer’s geht
un so do, wie wenn’s en intressiere dät.
„Ma kann net klage,“ her e me sage.
Debei schlagt mer schon seit Tage irgendebbes uff de Mage.
I schaff zwar mei Sach, awwer nix geht leicht von de Hann.
S’plogt me ebbes, des e net stimmich beschreiwe kann.
Was, wo genau un woher’s komme kennt, waiß e net,
un i häbb a gwieß scho schlimmere Maläschter ghett.
Awwer, dass mer’s gut geht, isch aigentlich fascht scho g‘loge.
Am liebschte wär mer’s, s’dät me gar nemes froge.
Weil e mer dann net so viel Gedanke mache dät.
Awwer jetzt isch’s halt z’spät.
Seller Froger hot mei Antwort wahrscheints glei widder vergesse.
Awwer i kann me net degege wehre: Die Frog hot gsesse!
I häbb s’Gfiehl, i werr ozählt un ma isch schon bei Acht.
Ma sott net glaawe, was so e belanglose Frog mit oim macht,
grad dann, wemma selwer net waiß, wie’s um oim steht
un ob’s oim ehner besser odder ehner schlechter geht.
Hilfreich wär, die Frog nooch de Befindlichkait bloß dann zu stelle,
wemmer offe un ehrlich mitenanner driwwer schwätze welle.
Dann kenne nämlich baide Seite von dem Gspräch profitiere
un zumindescht uff Ohrehöh de Hailungsprozess spiere.
S’kann sogar sei, dass de Schmerz ganz verschwind‘                                                                                          u
un ma zu eme baiderseits spürbare gute Bauchgfiehl find‘…

0 Kommentare