Awwer noi, so, ebbes Verwunnerlichs, do schdaunsch awwer!
Henners schun aigentlich gmerkd, heitzudaag wird sich blos noch gwunnerd.
Eieiei, isch des heit kalt. Debei isch doch blos Winter worre inzwische.
Awwer die Wedderfresch sage doch, dass es nägschde Woch widder wärmer werre däht un dass es ned emol weisse Weihnacht gewe kennd.
Warum die sich so wunnere, wenn doch am hailichowend koin Mensch Schnee hoh will in de Schdubb un in de Kripp? Un wenns drin warm isch, dähd doch des Dauwasser die ganze deire Gschenkle versaue, soweit dengkt scheints nermertzs vun dene Weisseweihnachtswunnerer.
Debei hods doch aa Vordail mid ohne Schnee: Die ganz Verwandschafd koh schee midem Audo kumme un widder fortfahre wans Zeid isch. Des geht aa, wenn se wege dem Benzinpreis normal blos no ganz langsam fahre.
Dass mer in de Medie jetzed schun so schee verweihnachded werd, wunnerd eich vielleicht wenicher, weils schun seid Auguschd gehd.
Ihr kenned also sähne, ganz normale Gschichd, des mid Weihnachd
un bis jetzd no nix zum Wunnere.
Des misseder eich hald uffhewe.
OA1222
Hallo Otto,
kann’s sei, dass ma sich, wa’ma 95 Johr alt isch, nimmeh soviel wunnerd, weil ma schun so viel un so vielerlei erlebt hot…?
Awwa, dass dess mid de Weihnachdsgschicht‘ un was dann am 24. gfeiert wärd, fa Di immer noch e Wunner un zum Wunnere isch, isch toll !
Wahrscheins solls a so sei… (?)