net mit rechte Dinge zu.

Deutschland gege d‘ Elfebein-

Küscht – aber, wie kann des wohl sein?

Mit solche Leit musch Di rumquäle,

me frogt sich, könne die net zähle?

Statt 11 Bein 22 schicke?

Des WM-Spiel kannsch doch knicke!

Der Beitrag Empörung in de Fußballwelt erschien zuerst auf Badische Gutsele.

Nix schwätze.

Nix sehe.

Nix höre.

Nix denke.

Sei Hern net verrenke.

Aifach mol NIX!

Der Beitrag Aifach mol nix! erschien zuerst auf Badische Gutsele.

komm, mir gehn e korze Streck!

De Himmel blau un weiß do hübbe,

schwarze Wolke sin do drübbe.

Vom Friedhof Richdung Eggschtoi hie

sehsch Kornfelder scho hoch wie nie

un Blüte am Holunderbusch. –

Uff eimol prasselt’s! Merksch des? Wusch!

Mir henn oin Schirm, den uffg’spannt, fix,

aber do unne nützt der nix!

Klamm an de Bein, d‘ Schuh inne saichnaß,

in d‘ Pfütze nei, jetzt schlooßt’s noch – krass!

De Schirm ganz schief im Gegewind,

wo uff de Strooß e Bächle rinnt –

nix wie hoim, nach Neered z’rück!

De Bonifatius bringt uns heit kai Glück.

Warum, sag, isch der Kerl do heilig,

wo ’s hat mit Eis un Schnee bloß eilig?!

Lieber Vadder, heit an Dei’m Daag

kann picknicke un radle grad, wer mag!

Der Beitrag Lieber Vadder! erschien zuerst auf Badische Gutsele.

alles nei?

– Mai –

Nai, net de Karl May!

Der mit em Maibaum

un Maibock.

Danz norr nei,

in de Mai,

was isch debei?!

Maidanz

mit Maikranz,

Maistrauß un Maiglock

oder eher Maiglöckle –

Parfüm (?!)

Maiduft – mmm!

Maimarkt

am Maifeierdag!

Mei Glas uff mei’m Röckle –

Maibowle grün.

Maiputsch oder –punsch?

Maiherz,

Maikönig,

Maiblume im Rege.

Mairege,

un – bringt der aa Sege?

Maipilz,

Maikäfer,

mit un ohne Schallmei (?) –

alles Schlaumeierei.

Jo, Mai!

Der Beitrag Wortfetzich im Mai erschien zuerst auf Badische Gutsele.

Zwei Daag hat se sich draa g’freut, do laßt der uff eimol die Stiel hänge, un e paar Blüde kriege scho so e Art Braunstich. Wie kann des sei? Sie hat den Dünger vom Blumeg’schäft nei, sie hat dene jede Daag frisch Wasser gebbe! – Sie sortiert paar aus. Hektisch. Behängt die annere mit kloine bunte Eilen und Schleife. Stützt die oine mit de annere ab. Sie isch verzweifelt. Sie kann jo nix Anners meh kaufe! Heit isch Oschdersonndaag. Un nachher kommt d‘ Schwiegermudder. (!!)

E bissel zaghaft stellt se die edle grüne Vas mit dere neue Blumekunscht uff de Disch. Do kommt ihr Mann ins Wohnzimmer, guggt kurz druff un fahrt se aa: „Was isch en des? So e armselig’s Glump, so e arm’s! Mach des G’schtrüpp weg! Dei komische Tulpe do, die kannsch de Hase gebbe!“

Der Beitrag So was aber au! erschien zuerst auf Badische Gutsele.

wie en Frosch, wo Fliege fangt.

De erschte Sonnestrahl genieße.

Rumspaziere bis es langt.

Forsythie, Krokus scho erliggert

un Baumknöschplen, wo sprieße.

Sogar paar Oschterglöcklen – ohne Scherz,

mit Miniveilche uff de Wiese

duhn blühe nach der lange Winderkält

von heit uff morge – Aafang März.

Vogelschtimmle – noch verhalte,

zart un hoch von irgendwo.

Un do sehsch – midde uff em Acker

en Goldfasan!

Ganz kupfrich glänzend uff de Bruscht –

wie stolz der laaft, so ruhig, wacker,

un knabbert an de Büsch voll Luscht!

E bissel lahm un doch beschwingt,

benomme fascht von z‘ warmer Luft,

dem helle Fetze Blau am Himmel,

dem Windle, mild, noch ohne Duft,

irgendwie leichter so um’s Herz

un dofür ganz schee schwer um d‘ Bei –

kann des vielleicht de Frühling sei?

Der Beitrag Mir isch so – ach, i woiß net wie erschien zuerst auf Badische Gutsele.

Die Praxis isch voll, un er muss erscht emol e ganze Weil warte bis er draa kommt. Dann werd en Sehtescht g’macht von jemand annerem. Sei Brill isch noch gut, er braucht noch kei neue. „Wengschtens des“, denkt er. Des Ergebnis von dem ganze Kram, dem Augedruck, dem sein Hinnergrund, seinere Träneflüssigkeit usw. dät er dann beim Arzt erfahre, werd em g’sagt. – Endlich sitzt er dann dem gegenübber un kann sei Bedenke los werre:

„Herr Dokter“, meint er. „Ich hab b’stimmt so was wie en graugrüner Schtar! Mei Auge könne net in Ordnung sei!“

„Wieso? Was habbe se denn für Beschwerde?“ fragt de Dr. Brésent interessiert.

„Also! Wenn i aus de Wertschaft komm, seh i als weiße Mäus.“

„Aha.“

„Außerdem duh i schiele.“

„Ja?“ De Dokter schüttelt de Kopf.

„Des isch net immer. Aber wenn’s nach meinere Fraa geht, duh i ganz oft nach de junge Mädle schiele.“

De Dokter isch beluschdigt und sagt: „Mache Se sich nix draus, des kommt bei mir als aa vor.“

„Um’s Haar hätt i mi noch in mei Nachbarin verguggt.“

De Dokter zuckt die Achsle.

„Die behauptet doch glatt, bei meine Kinner hätt i manchmol so e rosarote Brill uff, obwohl die, wo ich hab, in meine Auge schwarz isch.“

„Aha.“

„Aber des isch no net alles!“ schwätzt em Alex sei Vadder uff en nei. „Im G’schäft blick i als manchmol gar nix meh!“

De Dokter: „Aha.“

„Un wo i letscht den neue Whisky bei mei’m Kumbl probiert hab, hab i g’sehe, wie sich bletzlich dem sei Bilder an de Wand bewegt habbe, sie sin richdich g’loffe von links nach rechts!“

De Dokter himmelt uugeduldig: „Noch was?“

„Wenn i ans Klima denk un an die Grüne, seh i schwarz.“

„Aha.“

„Wenn i de Vincent Weiß singe hör, seh i rot.“

„Aha.“

„Aber an de Ampel hab i letscht des Rot glatt übersehe“.

De Dokter nickt.

„Wo i in de Kochtopf neiguckt hab, hab i do drin uff eimol ganz viel Linse g’sehe.“

De Doker seufzt.

„Aber de Hammer isch“, sagt em Alex sei Vadder, „wenn i nachts uffwach un muss uff’s Klo, seh i rein gar nix meh!“

„War’s des?“ fragt de Dr. Brésent. „Dann kann ich Sie jetz no mol unnersuche.“

„Ja“, meint sei Patient mit kläglicher Stimm.

Un nachdem er in so e komisches helles Licht hat gugge müsse, stellt er’m dann die Diagnos:

„Also Herr Gimbelhuber! Ich kann Sie beruhige: Sie habbe koin grauer Schtar, sie henn koin grüner Schtar – aber en Vogel habbe Se scho.“

Der Beitrag Die Diagnos vom Augearzt erschien zuerst auf Badische Gutsele.

Datsächlich werr i do überschwenglich begrüßt: „Liebe Frau Erb, Sie Dichderin! Zum fuffzichjährige Jubeläum hat sich unsre G’schäftsführung was ganz B’sonneres ausdenkt, nämlich e Flugzeugband am Himmel mit Ihr‘m Slogan  druff!“ „Doll!“ Des haut mi jetz um. „Drunner fliege Hubschrauber, wo alle Frauen aus unserem Team, also au Sie, abwerfe solle.“ – Wie? Fallschirmspringe – ich? Uff koin Fall! Un wenn’s Arbeitsverweigerung isch??? Notfalls zum Betriebsrat!

Do macht d‘ Kaffemaschin Gedöns. Immer lauder. Iiiiii! Oder – mei Wegger???

Der Beitrag Uff koin Fall! (e Drabble mit 100 Wörter) erschien zuerst auf Badische Gutsele.

De 29. Dezember?

Ja, aber wann? In wellem Jahr?

Des isch de reinschde Zeitverschwender!

2025 gebt’s nimmeh, isch nimmeh da!

Ha doch!

Ha nai!

Warum denn net?

Des isch vorbei!

Aber Silveschder kommt doch noch!

Ha jo – devor bisch i’me Loch!

Aber wieso, wie kann des sei?

Hängsch quasi zeitlos in de Luft

wie so en Labbeduddle vor de Gruft

bei Vollmond in de Raunächt do.

Defür kannsch derzeit in de Stadt

mit deim letschte Weihnachtsgeld

im Eikaufsparadies

uff Schnäppchejagd!

Epoche ohne Raum un Zeit,

geischterhaft un traumverlore

für alle, wo do sin un ware,

gern g’sehe oder uubeliebt,

wo jeder vor sich naa so lebt,

in seller Zeit, wo’s aa net gibt

in unser’m Dialekt, dem rare:

„Zwische de Jahre!“ (???)

Der Beitrag Zwischenunnerg’falle erschien zuerst auf Badische Gutsele.

wo d‘ Graugäns heersch, do hinner’m Gadder,

kloine Bächle in graue Pfütze münde,

un en Graureiher fliegt über’s Graugardeg’schnadder;

so ‘n Grauhaardackel streife Nebelwiese,

Grauschleier hängt in de Vorhäng drin,

wo Graubärtige ihr’n Geborzdag begieße

mit Grauburgunder inne drin.

Wo dunkle Gedanke aus Hirn-Grauzone

an eme duschder-feuchde Novemberdag

verhange, still in de Grauzelle wohne,

ihr Leit, do graut ma’s scho ganz arg!

So grau in grau isch d‘ Welt, d‘ Natur,

wenn unsereins soll widder naus;

un dann, wenn i kann zusehe nur,

wie der Katz hängt grad e grau’s Mäusle raus,

denk i: Grauehaft, grausam, greulich – oh Graus!

Der Beitrag Rhapsodie in GRAU erschien zuerst auf Badische Gutsele.