Gege alles isch modern, awwer es basst hegschdens fer denkgschädichde Zeitgenosse, die koin Funke Logik meh in ihrene Herner hen.
Drum widerschbreche dene allene aa un versuchs mied de Demokratie. Awwer die isch weder fer degege noch fer defier bassend, halt ewe Demokratie.
Die laafd so gud oder so schlecht, wie die des hald kenne, wo dranne sin.
Un die sin ewe laider aa, des muss mer hald saage, von uns, dem demokradische Suferähn eigsedzd.
Ännere ko mer des blos langsam, dodezu sin dann die Wahle do.
Manche moine, des helft, wenn se dehoim bleiwe, awwer dann werre die Brozende vun dene annere, die wo die wähle, die mer ned bräuchde, blos no wertvoller. Wenn eich die, wo uf em Zettzel schdehe net gfalle, dann mieseder wähle gehe un en dorchgschdichene Zettel ind Urne duh, dass mer seht, ihr mehged koim vun dene uffem Zettel eier Schdimm gewe. Blos so gehds, ned mit dehoimbleiwe.
Un des Ganze isch jo koi naies Problem, do kenneder mol neischmehgere, was im sechzehnde Johrhunnerd de Thomas Hobbes schun dezu gmiond hod.
Es koschd zwar Zeid, awwer es lohnd sich.

https://www.thomas-hobbes/deutsch/biografie.html
Alsdann wähled s nähgschdemol richdich
Moind de Otto

Der Beitrag gege alles erschien zuerst auf Badische Gutsele.

De (manchmol) No(c)hvakehr mol widder

Es gebd Leit, die mechde gern verraise,
un zwar mid de Waggons uff de Glaise.
Des klabbd awwer rechd oft ned mehr
wege dem Schiene-Ersatzverkehr.

Beim Plahne hasch do koi guds Gfiehl,
kummsch aa werklich heit ans Ziel?
Do musch dei Resilienz verwende,
weil sunschd de Ärger kumme kennte.

Laider derf mer net vergesse,
a frieher wars net immer besser:
am Bohhof schdehd en Zug berait,
do schdeigsch hald ei un mach de braid.

Dass er ball fahrd, isch jetz dein Wunsch,
dassd ergedwann noch Kalsruh kumsch.
Rickwerds ischs genau so doll,
un aa die Zieg sin proppevoll.

Do kennd e eich noch viel beschreiwe,
es sodd awwer im Rahme bleiwe.
Ganz langsam konnt mer dann schun bemerke:
die Boh suchd wieder ihr alde Schdärke.

Domols ware die Zeide noch so,
dases Eidritt koschd hod zum Plafoh.
Am Dorchgang war e Schberr mid Kabin,
do war dann als en Bohhefler drin.

Wolldsch also zu ere Raise schdarde,
muschdsch ausse vor de Schberre warde.
Noch deinere Uhr wärs jetz soweit,
die Eiseboh losst sich noch Zeit.

Dann kummd en Mann, der schreibt,
dass der Zug 15 Minude länger bleibd.
Nooch dere Zeit bringt er die Kunde:
Verschbädung jetz e halbe Schdunde.

Nochdem die halwe Schdund vorbei,
macht jetz en Mann die Schberre frei,
kontrollierd de Raisende ihre Karde,
un dann derfe se naus zum Warde.

Un do brauchdd mer sich net zu beeile
de rumplich Schienebus braucht noch e Weile.
Mer schdeigd dann ai un hod e so frohes Gefiel,
weil ergedwann kummt mer sicher ans Ziel.

Die Boh hodds jo so schwer verwischd,
weil vorher der Krieg gewese isch.
Langsam hen se sich dann gfange
un es isch wieder besser gange.

Mid Schdundetakt im Fernverkehr
haddeses am Ofang schwer.
Un mid Diesel schdadd mid Kohle
diente se dem Klimawohle.

Die viele Dividendehaie uf dere Welt
hen sich die Boh mid Akzie vorgeschdelld.
Do hods Meh Dorne als bei ere Schdachelbeer ghad.
Mer hod mid Hartem Mut die Boh kabuttgeschbart.

So isch se worre wie se isch,
a wenn des net so luschdisch siesch,
trotz Schulde in Milliardehehe
solls jetzb wieder ufwärts gehe.

Der Schdeierzahler, des grupfd Huhn,
der regeld des ferd Fjudsche schun.
Zur Ehre vun dene Schdeiermiddel
beende jetz des Bohkapidel.

Un wemmer mid de Zeid net schbahrd,
dann gebts e scheene Urlaubsfahrd.

OA0523 (für Gnitzer Griffel)

Der Beitrag „De“…………… erschien zuerst auf Badische Gutsele.

OA0823 (für GnitzerGriffel)

Der Beitrag Jetz gehds los erschien zuerst auf Badische Gutsele.

OA0723

Der Beitrag Arme Yankees erschien zuerst auf Badische Gutsele.

Jetz hemmer Juli im Kalender.
Die Sunn wird brenne bis September.
Seit Generatione wars bekannd:
Bletzlich hosch en Sunnebrand.

Do wersch ganz rod, kannsch Blohse griege
un trausch de kaum ins Bett zu liege.
Des schmerzd oin, un dann häut mer sich,
grad so wies bei de Schlange isch.

Feschde wird, aa wenns nix nidzd,
Crem un Louschen driwwergschbritzd.
Nooch zwai drei Woche isch die Gschichd vorbei.
Wennd glaabsch, des kennnd was zum draus lerne sei,

dann merksch werkle uhschenierd,
wie Dummhaid widder mol grassierd.
Schun sehsch se widder bei der Hitze
drauße in de Sunne sitze.

Jetz werds mol widder klassisch gwagd.
De Curt Goetz hod e mole gsagt:
„Wer in einem gewissen Alter nicht merkt,
dass er hauptsächlich von Idioten umgeben ist,
merkt es aus einem gewissen Grund nicht.“

OA0723

Der Beitrag So isches… erschien zuerst auf Badische Gutsele.

Losse mer de Mensch mol außer acht,
un gucke, was die Nadur so machd,
dann kann mer mol de Schiller frage,
der hod dezu sowas zu age:

„Einstweilen, bis den Bau der Welt
Philosophie zusammenhält,
erhält sie das Getriebe
durch Hunger und durch Liebe.“

Des hod mer a Mol modern betrachd
un do dezu e Filmle gmachd ,
de Titel war „Das große Fressen“.
Der handeld unner annerem aa vum Essen.

Ohne de Mensch dengkt die Naduhr hald nur
an Ernährung un Fordpflanzung ganz schduhr.
Wichdich isch, do wird ned gschbahrd
oifach alles fer de Erhald der Art.

Also hod se alles druff ausgerichtd:
oi Indifidium alloi indressierd se nichd.
Do kammer sich Gedangke mache,
warum die Mensche so manches mache.

Tierische Gene sin scheinz widder kumme
un hen iwwerhand genumme.
Jetz nemme se Ka-i, un dann
bäschdle se en Robotermann,
der, aa wenn er luschdich bliggd,
mol schnell uffs rode Knepfle driggd……..
Wumms…………….
Jetzd kann e nix meh dezu berichde.
Es isch e trauriche Geschichde.
Aus

OA 0723

Der Beitrag Naduhr pur erschien zuerst auf Badische Gutsele.

En Mensch isch, ganz genau betracht,
aus viele Oinzeltaile gmacht.
Blos in eneme Overal
seht mern faschd schun ganz total.

Manchmol muss mer unnerschaide,
wer isch was vun dene Baide.
Des wird mer sich dann merge misse,
de Unnerschied , den siesch beim Pisse.

Um do en Iwwerblick zu gwinne,
mussd mer fer die Daile Name finne.
Frieher, wo anerschder als heit,
blos die hechdere foine Leit

glernd hen, ze lese un ze schreiwe,
mussde die Arme die Dumme bleiwe.
Drum hen mer jetz den bleede Fall,
dass die viele Oinzeldaile all

bei Reich un Arm verschiede haise.
Des kammer aa ganz gud beweise.
Schdudierde Leit nemme ganz krass
ladeinische Werder in ihrn Satz.

Do wern die arme Leit mid gschreggd.
Die nemme liewer ihrn Dialekt.
Der klingd zwar ofd net werkle fein,
un isch aa ned immer Schduwwerein,

und fer den tägliche Gebrauch,
verwende ihn die Reiche auch.
E Verzaichnis wille jetz vermeide,
des dähd die Sach zu arg verbraide.

Zum Abschluß noch en kloiner witz,
der do jetzt grad richdich sitzd.
De kalle hod en Owendbsuch mol ghad.
Un der mussd halt aa mol ins Bad.

Wie er rauskummt frait der Kalle sich
un sagt zum Gaschd ganz feierlich:
Hasch gseh, ich hab die Diecher iwerm Clo-Sitz
bezaichend mid: G fer Gesähs un A fer Antlitz.

Do moint awwer de Gaschd ganz barsch:
I heb denkd des isch fer Gesichd un fer Arsch.

OA0623

Der Beitrag Menschen erschien zuerst auf Badische Gutsele.

De Sundag wär jo koin bsunnererr Dag, wenn ma en net dezu gmacht hed.
Wie domols de Herr alles gmachd hod, hod er grad emol 6 Däg bäschdeld un dann hod er ausruhe gmissd vun dere Erwet. Wie lang de siebde Dag dauert hod, waiss mer nadierlich ned genau, awwer er muß so lang dauert hoh, dass de Herr inzwische gmergd hod, dass ned alles so richddich worre isch. Dass mer jeden Dag en Apfel esse sot, waiss mer heit a noch, un desdrum hot de Herr denkt, dass de Adam un die Eva gscheider werre kennde, wenn er se mit eme Apfel fiedert. Die hens dann a glei gmergt un hen sich mid Feigeblädder ins harde Lewe gschderzt. Des hod scheinz ned so richdich funkzionierd. I glaab, do hot en d Wuhd packt, un dann hot er den große Reje gschiggd, un weil er gwissd hod, dass faschd noch nermerds Schwimmunnericht ghad hod, hod er dem Noah gsagt, er muss e Arche baue, wo vun allem was es gebt e Päärle nei passd. Awwer wammer so schnell reagiert mid ebbes mache, dann gehts maischdens schief. Des schdimmd bis heit. Uf die Art hot er nadierlich uns noch die Fleh, Wanze, Kadoffelkäfer, Radde un Haifisch, awwer aa so kloine Sache wie de Covid, die Gonokokke oder die Birkepolle vermachd.
Also des glaabd mer ned, iwwer was mer amme Sundag alles nochdenke koh, ah wenner blos normal lang isch.
Ii denk, dass des jetzt langd, un i wer noch em Owendesse mich an die Glotze hokke un mol sehe, ob e des ganze Programm verschloofe bring.
Also bis näkschdens widder mol.

OA0623

Der Beitrag Heit isch Sunntag erschien zuerst auf Badische Gutsele.

„Ferz helfe net, wenn de Kittel brennt“
Des war en weiser Schbruch, wenns arg haiss hergange isch.
Un so isches jo laider efder in unsere facking Zeitlaif.
Ii glaab als, dass die Regierung schun gwisst hod,
dass mit de gschichtliche Endwigglung vun Berlin
en Haufe Sache entschdanne sin, die wo blos schdeere
un oifach ned zu ennere sinn.
Inzwische sin se zu so ere Art schwarzes Loch worre,
wo oifach jede Menge Geld drin verschwind..
Laider isch der Zuschdand awwer scheints ohschdeggend,
un alle in dem Schdaad henn se mehner Schulde als wie en Hund Fleh.
Nadierlich welle jetzerd aa alle den Fiskus redde un moine, es ging,
wenn se alle meh Ohschbrich schdelle un zu allem Schbare noisage.
Jetz sen se druffkumme, dass mer mol ned blos bei de Kloine schbare sot,
sondern erschder mol bei de Grosse.
Dodebei kenneder mol seh, ob bei eich aus de Schul no rechne iwwerich bliewe isch,
bei de Bolidiger moint mer als schun mol, dass se ewich lang aus de Schul sin.
Also welle mer e mol e paar Milliardärbeischbiele rechne.
Vun oiner Milliard soll der also zum Beischbiel 10 Brozend hergewe. Des wäre
dann10 Brozend vun dausend Millione oder hunnerd Millione, dädem also
naihunnerd Millione bleiwe. Des wär riwwer un niwwer en scheener Brogge.
Mer kann ah annerschd rechne, vielleicht mid Schulkenntnisse. Mol seh, wie
des aussehd. Mir wisse alle, dass die Nulle nix Wert sin un sage dem Milliardär,
dass mir vun ihm blos oi oinziche Null welle, die Hinnerschd.
Er hod immerhie nai Schdigg hinner dem Oinser.
Werd er eischlage un des dolle Ohgebot ohnemme?
Also rechne mer emol.
Er hot also nai Nuller hinner seim Oinser un gebt oiner her, Dann hot er immerhin
noch acht Nuller hinner seim Oinser. Schreiwe mers mol als Zahl:100.000.000
oder vorher: 1.000.000.000. Er hod also noch Hunnerd Millione
un muss naihunnerd Millione hergewe.
Mer seht, net alles was schee aussehd, isch a schee.
Un scheldet nemme so iwwer die Mathe, manchmol braucht mer se.

OA0523

Der Beitrag Ferz helfe net……… erschien zuerst auf Badische Gutsele.

Jeds Johr um die ähnlich Zeit
isches widder mol so weit.
Alles waxd un bliehd umd Wedd,
wie wenn des Johr uffheere dehd.

An de Bledder hen mir Kinner kennd,
wie sich die Pflanz mid ihrm Name nennd.
Em Dorf henn mir hald meh midgegriegd,
als wie die in de Schdadtt, wie die Nadur so tiggd.

Midem Winderschlof isches jetz aus,
unnern Laab guckd schun de Igel raus,
Die Aichhernlen sause dorch die Beem ganz gschwind
un suche, wo die vergraawene Vorräd sin.

Aa de Siwweschlefer isch schun wach
un rascheld owwe unnern Dach.
Die Amsle un die Elschdere sin gud druff,
die raime jetzerd drause erschd mol uff.

Die kloine Vegelen draus in de Hegge
Singe laud, sie denn bezwegge,
dassze fer um die Familie zu finne
e gudes Revier misse gewinne.

Es isch als ned oifach, die Veglen zu sehe,
un a die Katz kann se schlechd erschbähe,
weil aa die Hegge inne so dicht schdehn,
kammer die Katz ehnder beim Meisfange sehn.

Die Veglen hemmer alle kennd an de Federe,
un wenn se ihre Liedlen schmeddere.
oins hod me awwer domols irredierd,
un zu ere schwere Froge gfierd.

Des war wegeme oifache Texd,
der wo mich werkle grad verhexd:
„Feronika der Lenz isch da,
die Vöglein singen trallala.“

So Leit, jetzt frog e eich in meiner Nod,
ob wer fun eich ee Ahnung hod,
wellen Vogel herd mer da
mid seim Liedle Trallala.

OA0423

Der Beitrag D Nadur wacht uf…….. erschien zuerst auf Badische Gutsele.