Elfi Neubauer-Theis, Autor bei Badische Gutsele

Menschenskinner

Elfi Neubauer-Theis — Thu, 12 Dec 2024 17:47:37 +0000

Vun drauß vun de Stroße kummi her,

Ich muss eich sage, nix weihnachtet mehr.

Iwerall un a uf de Berg un Heh

hawwi koi Fitzele Schnee mehr g‘seh.

Ich seh‘s blouß dropfe uf mei Regekutte:

iwerall gibt’s blouß Wassersutte.

Un drowe aus em Wolgemeer

Kummt blouß noch mehner Nasses her.

Un wie ich so blatsch durch Sutte un Schlomm,

ruft mi e leises Schdimmele an:

„Menschenkind“, ruft‘s, „jetzt mach awer schnell!

Fong o zu denke un rett‘ der dei Fell!

Die Pole fonge zu schmelze o,

De Klimawandel isch jetzat dro.

Alte un Junge solle sofort

ebbes du an jedem Ort,

fer Katastrophe abzuwende

un die Welt zu treue Hände

fer de Nochwuchs zu erhalte

un sie sorgsam zu verwalte.“

Ich sag druf: „Lieb‘s kloin‘s Weltgewisse,

Die Leit sind alli so gerisse.

Weder kimmert sie der Eisbär

Noch intressiert sie selles Eismeer.

Fliege luschdich durch die Welt,

Jeder wie‘s ehm grad so gfällt.“

„Hot er donn net gnung Verschdond?“

„O Letz, Uverschdond nemmt iwerhond.

Zwar gibt‘s die Umweltkonferenze,

elloi die schlimme Konsequenze

Muss die Menschheit selwer trage,

wie werd’s mol werre muss ma sich froge.“

„Ja sag mol blouß, wie ich des find?

Reiß dich mol zomme, Menschenskind!

Guck endlich zu, dass mol die Erd

Zu deinem Wohl gerettet werd.“

Der Beitrag Menschenskinner erschien zuerst auf Badische Gutsele.

Mein Kraichgau

Elfi Neubauer-Theis — Tue, 19 Jan 2021 07:36:32 +0000

ein Gedicht von Elfi Neubauer-Theis über ihre Heimat. Zu sehen und zu hören im badenkanal unter https://youtu.be/Y6vZVmJFe4k

Der Beitrag Mein Kraichgau erschien zuerst auf Badische Gutsele.

Coronachte 2020

Elfi Neubauer-Theis — Sun, 06 Dec 2020 20:47:00 +0000

Leit, so e Zeit. De Summer war arg schee,
jetz awer denkt ma dro, Begegnunge zu reduziere,
net so viel naus un unner d’Leit zu geh.
Guggt, dass ma alli Sache hot,
losst sich net zu viel verfiehre
will sei Gsundheit net verliere.
Festlin feire hot koi Not.
Wer jetz koi Ruh hot, sollt verninftig hondle
Wer jetz alloi isch, weiß: ma kann
bastle, lese, lange Briefe schreiwe
un drauß im Wald spaziere wondle
elloi ob drauß ob drinne bleiwe
zufriede sei un spätre Deeg
als Schlissl sehe un als Weg.

Der Beitrag Coronachte 2020 erschien zuerst auf Badische Gutsele.

Herbstlied

Elfi Neubauer-Theis — Sun, 13 Sep 2020 06:53:16 +0000

Verdorrt sin jetz die Wälder
forzdruckich Wies un Felder
un de Herbst beginnt.
Monche Beem verdorste.
Knochich stehn die Forste –
Kinnerspiel fer de Wind.

Heersch de Wind donn blose
verropft net bloß die Rose
konn aa gonz bees rittle.
Äste blotze nunner
en Riese fällt wie Dunner.
So konn Wind Beem schittle.

Iwweral fehlt’s Wasser
un s’wird immer krasser
un d’Natur geht hi.
Pflonze denn verdorre
d’Natur hot scho verlore
un geht in die Knie.

Der Beitrag Herbstlied erschien zuerst auf Badische Gutsele.

Abmesse

Elfi Neubauer-Theis — Mon, 22 Jun 2020 19:02:04 +0000

en Fingerhut voller Glick
e Goschvoll Zufriedeheit
en Bauchvoll Gfiehl
e Taschvoll Gsundheit
e Hirnvoll Gedonge
e Herzvoll Lewe

e gudi Mischung

Der Beitrag Abmesse erschien zuerst auf Badische Gutsele.

Droom vum Fortfliege

Elfi Neubauer-Theis — Sun, 29 Mar 2020 18:46:57 +0000

Frei wie en Vogl
un trotzdem
hättsch koi Vogl-Winsch
koi Vogl-Ideee
weil d veronkert bisch en de Erd
Gfonge mit deine Gedonke
in de Streicher
En Windstoß bloß
un du dätsch devu fliege
ins Himmelblau
mit Ach un Weh
Weil Worzle weh due.

Der Beitrag Droom vum Fortfliege erschien zuerst auf Badische Gutsele.

Was so alles in de Zeitung steht

Elfi Neubauer-Theis — Sat, 15 Feb 2020 14:24:06 +0000

Vier Milljune ohne Schulabschluss,
de mindeschd gstiegene Mindeschdlohn
un in Heilbronn ischs Käthchen vum Sockel gfalle.
Un was regt die Leit uff?
Dass d’Stroße gsperrt werre beim Fußballspiel.

Der Beitrag Was so alles in de Zeitung steht erschien zuerst auf Badische Gutsele.