Ausgebremst
Oigentlich hewwe me zeitig uff de Weg gmacht. Nach Durlach musch jo immer noch de Bahnüwwergang mit eiplane. Na ja, e paar Minüddlen früher wär vielleicht doch net so schlecht gwese. Hoffentlich sen d’Schranke offe. Moischtens sen ses net.
Awwer halt, was isch jetzt des do? Mit dere dunkle Wolk, die do uff me zukommt, hewwe wirklich net grechnet. Noi, koi Wolk am Himmel – seller isch blau. Die Wolk, die ich moin, schiebt sich midde uff de Stroß uff me zu. Net arg schnell, awwer gnadelos un üwweraus lebendig: e riese Schofherd.
Ich halt am Stroßerand un bin so verdattert, dass e vergess, de Motor abzustelle. Ums Rumgugge wuselts rechts un links ums Auto rum un hört gar nimmee uff. Des isch e Geblöke un e Mäh-Gschroi in allene Tonarte, dem kannsch de net entziehe. Irgendwann hör e me selwer laut lache.
Die viele kloine, fascht schwarze Oschderlämmle sen zum Doil noch e bissle waggelich uff de Fieß. Sie werre von de Große mit de Nas energisch widder uff de rechte Weg gstupst. Des isch so herrlich zum Agugge, dass mer wodd, s’tät gar net uffhöre. Awwer Jesses, die Zeit! Ich will doch pünktlich zu dere Veranstaltung!
De innere Stresslevel steigt un gnau do fallt mir der Artikel widder ei, den ich neulich glese heb. Dass mer ganz alldäägliche Situatione nutze sodd, um Entspannung, Achtsamkoit un Kontemplation zu übe. Zum Beispiel im Stau, an de Supermarktkass odder, wie jetzt, in ere Schofherd. Ich lehn me zurück, schnauf dief durch un fang scho mol s’Übe an.
Wie des letschte Schäfle vorbeigedribbelt isch un au noch de Schäfer un sein Hütehund, mach e me fascht tiefeentspannt ans Weiterfahre. Ganze zwoihunnert Meter. Dann steh ich an de Schrank, die naddierlich grad zugeht. Un widder muss ich e Herd vorbeilasse – nur diesmol sens koine Viecher. Diesmol sens Zwoifießler, die gmütlich uff Schiene ihrm Ziel zustrebe. Des tät mei Auto au gern, awwer aus dem Strebe wird nix. Statt desse derf ich me widder in Entspannung, Achtsamkoit un Kontemplation übe. Drei Züg muss e durchlasse, bis die dabbich Schrank widder uffgeht.
Des war zumindescht oiner zuviel: mit fünf Minudde Verspätung steh ich endlich vor dere Orgelfabrik un hör von owwe durchs offene Fenschder Glächter un Applaus. Jetzt gugg na: so e Mundartlesung isch pünktlicher wie die Deutsche Bahn!
Danke, lieber Thomas, schee wars!
Liebe Irmtraud,
vielen lieben Dank für Deinen Kommentar. Der Schäfer ist in Blankenloch mit über 500 Schafen gestartet und nun Richtung Calw/Heimat wieder unterwegs. Ich habe mich mit ihm hier unterhalten, da war noch gutes Wetter. Aber bei einem Regenwetter wie heute macht das Schäfersein sicher nicht so viel Spaß!
Danke daß Du bei Stutze’bock dabei warst, es war eine sehr schöne Veranstaltung!
LG vom Thomas