Arminius

Jedes Volk hod seine Gschichte,
wo se lang un braid berichde,
wie mer mid Krieg en Schdreit wolld schlichde.
Es Ergebnis konndsch verschiede gwichde.

In unsre friehere Gechichd
henn se a emol berichd,
wie de Arminius die Römer hod bezwunge,
die wo noch Germanie vorgedrunge.

Links vum Rhei ware jetz die Römer etablierd,
die Franke hen römische Sitte brobierd.
Un dozu welle mer ned vergesse:
se lernde dann aa römisch esse.

Die Germane hadde do meh oinerlei,
Wildsau vum Schbies un Hirsebrei.
Aa Klaider un Heiser sen oifacher gwese.
Es haisd, se kennde kaum schreiwe un lese.

Do kennd mer jetz Gedanke nähre,
wie die Germane worre wäre,
wenns de Arminius gschaffd hed zu wage,
sich uf Dauer mid de Römer zu vertrage.

Dann heds nämlich net so lang gedauerd,
bis mer bei uns Wengertsheisle mauerd.
Paschdi un Andipaschdi gäbts länger schun.
Carziofi alla Dschiudia aa, un Salad vum Tuhn.
Saltimbokka alla Romana, oder Schbageddi,
aa Pizza Romana, un hinnerher Dscheladdi.

Nadierlich sin Linse mid Saide so Sache,
wo oim Luschd zum Esse mache.
Sauerkraut un Schbringerle mid Kadoffelbrei,
un Schbäzle mid so mancherlei.

Am Arminius seht mer also jetz zum Schluß,
dases Siege net immer so doll sei muss.
Des Beischbiel zaigt uns jetzerd scho,
dass mer a iwwer Gschicht nochdenke koh.

OA0821