20. September 2021

angelsäxisch

Otto Arnold

Kommentare

angelsäxisch

Jetzerd scheints widder mol was neies zu gewe in de Brexidsach.
Die Angelsaxe welle widder ihr aldes Zwelfer-Mass-Syschdem eifiehre.
Ob des gud gehd in de vernetzde Weldwertschafd?
Wenn e me recht erinner, hod schun frieher mol e Raumfahrtraket vun de Ami versagt, weil e Vendil wegere
Inch-Millimeter-Umrechnung net rechd bassd hod.
Mid de Komputertechnik derfd des aigendlich nemme bassiere, weil, dem Computer isch des egal, mit wieviel Schdelle noch em Komma dass es rechne muss.
Awwer Grund fer Missverschdändnisse gebts sicher gnung, wemmer die kinfdiche Rechenkinschde aa noch in Bedracht ziehd.
Warde mers hald ab. Die hen jo aa de Brexid no net richdich gschaffd.
Ii denk emol, dass des metrische Syschdem sich uf Dauer schun dorchsetze werd.

OA0921

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.