Amsle hopfe frech im Garde,
iwwer de Rase, dub, dub, dub.
Dinne Fieß un gelwer Schnawwel,
lewe in de Dag so nei un awwel

fliege se de Katz devu.
Sitze ufm Bom un warne
Annere mit geck, geck, geck,
gucke gern uf scheene Fleck.

Amsle liewe unsre Gärde,
bsunners, wenn’s en Teich drin gibt.
Stecke Kepf un Fliegel nei,
platsch, plitsch, platsch un Spaß debei.

Komikkinschtler, schwarze Bobbel,
spiele Fangerles mitnanner,
verjage sich vum Futtereck.
Hack, hack, hack, gesch du do weg!

Oweds dann pfeift oini Solo,
uf de Kandel Zwiesproch mit de Nacht.
Amsel, wecksch uns morje widder?
Abgemacht.