Bio

Alles Bio heitzudag.
Un Öko.
Alles isch vun glückliche Hühner,
seeliche Küh
un himmelhochjauchzende Säu.
Un alles gsund. So saumäßich gsund.
So gsund, dass eigentlich nimmie zum Dokter brauchsch.

Bio-Kraftkorn-Brot frisch vum Acker, wie Anno-dozumal
vun echtem Schrot un Korn.
Orangesaft direkt vun de Orange.
Net konzentriert.
Aus konsequent ökologischem Anbau,
mit em Gütesiegel ausgezeichlt.
Kiwis un Litschis, un wie die exotische Vitaminkraftbombe alle heiße,
alles nur aus vorbildlicher Bio-Erzeugung.
Konsequent ökologisch
un natürlich –
– frisch ei´gfloche
aus Neuseeland.
(c) Thomas Huber