Was ich heit so alles treib,
isch grad egal, ich schreib
Dir jetz halt mol ein Brief,
handschriftlich schee – mol  grad, mol schief –

Ich däts, du waischs, mit I-mehl mache,
blos, du willsch koi sone Sache.
Dass du en griegsch in oin, zwai Dage,
du ich en an die Poschd no drage.

Sottsch de hald doch emol ufraffe,
dir en Kombjuder ohzuschaffe.
Mir sin bal nemme so im Stand,
lesbar zu schreiwe mid de Hand.

So jetz gehts los. Ich schreib nadierlich
des erscht mol in Kombjuder nei.
Do kanne nämlich ganz manierlich
der frehlich Korrigierer sei.

Des isch dann besser zu geniesse,
wenn meine Gaischdesblitze spriesse.
Also,“ liebe Luis“, fange a zu schreiwe.
Un dodebei solls a net bleiwe.

S`isch lang her, dass mer uns gedroffe,
die Däg sin grad so schnell verschloffe.
Gugg halt mol in Kalenner nei,
ob widder mol en Middag frei
isch fer en Bsuch bei eich.
Was feren Dag, des isch mir gleich.

Ich denk mol, dasses jetzerdz langt.
Ich muss noch schreiwe mit de Hand,
so schee, dasses ah noch leserlich
un fer dei Aug zumutbar isch.

Also ruf me halt mol a,
oder sags mein A-
rufbeantworter als Ersatz.
Un griess mir a dein Schatz.

OA0221