Ihr, die ihr eier Lewe lebt
uf unsre Koschde,
ihr, die ihr die Gsetze macht
zu eire Gunschde,
iwerlegt eich gut, dass e Zeit kummt,
wu ma onnersch iwer Pflicht schwätze werd.
Iwerlegt eich gut, was ihr jedem unner eich gennt
un uns net gewe wellt.
Sell kennt eich fehle, wonn ihr alt seid
un schwach un hilflos
un ihr eich unsere Gsetze unnerwerfe misst.
Ihr, die ihr eier Lewe glebt habt
uf unsre Koschde.
Ihr, die ihr Bedingunge gschaffe habt
zu eire Gunschde.
Iwerlegt eich gut, dass die Zeit kummt,
wu ma onnerscht iwer Pflicht schwätze werd.
Mir deede eich gern des genne,
was ihr uns gegennt habt.
Vielleicht isch noch Zeit.
Deswege achtet die junge Leit,
dass es eich im Alter
gut gehe dut un ihr net Hunger leide misst
oder des Alloi-sei eich die Knoche merb macht.
Des isch eier Lewe, wu ihr do uf die Stroß zwingt.
Wieso kennt ihr des net begreife?


0 Kommentare