Rotkäpple im Pfälzer Wald

Jo, au de Herbscht hat noch scheene Dääg, behauptet zumindescht e Sprichwort. Un manchmol gebts au noch en goldene Novemberdaag. Un genau so oiner hen se für heut angekündigt, die Wetterkundige im Radio. Obwohl, manchmol frogsch de, ob die in ihrm Studio koi Fenschder hen, um emol nauszugugge: drauße waberts noch newwelig uff de Stroß rum. Awwer die Wedderfrösch sen sich ihrer Sach sicher un behaupte, dass sich des noch gewwe wird.

Was macht mer also mit so eme Daag? Mer fahrt in d’Pfalz. Weil do kommt bei uns moischdens s’Wedder her – un weil des heut jo irgendwann gut werre soll, fahrsch frühmorgens prakdisch de Sunn entgege, obwohls nach Weschte geht. Ich bin elloi unnerwegs. De Gatte isch mit seim Fahrrad de Stroßebahnschiene unnerlege un muss jetzt sei Knie schone. Nixdestotrotz düs ich frohgemut durch des Newwelgrau un moin grad, s’wird scho e bissle heller.

In Klingemünschder wird s’Auto abgstellt, s’Rucksäckle uff de Buggel gschnallt un dapfer losmarschiert. S’isch doch noch e bissle frisch um d’Ohre, deshalb zowwle s’Mützle aus em Rucksack raus – des neue rote, des so gut zu de Wanderjack basst. Wie sich zeige werd, isch des koi gutes Omen. Ich hätt besser s’weiße gnomme – awwer do dezu später. In de erschte Hütt wird schnell en Schorle bstellt. „E Dubbeglas?“, frogt die Hüttewirtin. Ich denk mer: jo, wieso soll en des Glas koi Dupfe ho un nick mit em Kopf. Was dann vor mir steht isch so ebbes, wie en Pfälzer Schoppe: en halwer Lidder – gut eigschenkt! Do hättsch jetzt im Prinzip au glei e Viertele schlotze könne, denk ich im Stille un schlucks dapfer nunner. Weil do in de Pfalz gebsch der als Badnere koi Blöß!

Deutlich beschwingter mache me uff die zwoit Etapp von meinere Tour. Ich träller e Liedle vor me na, de Newwel lichtet sich – was nach eme Pfälzer Schoppeschorle oigentlich erstaunlich isch. Un grad komme, wie versproche, die erschte Sonnestrahle durch. Oifach schee! Jetzt vielleicht noch e paar Käschde sammle wär net schlecht. Ich gugg me rum, seh awwer weit un breit koin oinzige Kaschdaniebaam. Was ich dagege wahrnemm, isch rechts hinne im Augewinkel e Bewegung. Ich dreh me rum, seh awwer nur e paar Newwelreschtlen im Gebüsch.

Ich lauf weiter, awwer zum Singe isch mer d’Luscht vergange. Irgendwie fühl e me uff oimol nimmee elloi. Allfort dreh e me rum un beim dritte Mol seh ich grad noch e Stückle graues Fell hinnerm Busch verschwinde. Ich bleib steh – jetzt seh ichs e bissle besser: noi, e Wildsau isch des net. Selle hat kürzere Fieß. Ich lauf zu un versuch, e bissle Abstand zu gwinne. Des Viech lauft au un isch jetzt nur noch zehn Meter entfernt. Ich krieg Herzklopfe un gugg noch emol gnauer na: e räudiges grau meliertes Fell, weiße Socke, e gieriges Maul un wilde, böse Auge. Un dann schießt mers durch de Kopf: en Wolf! Mein Gott, des isch en Wolf! Gebts en die in de Pfalz jetzt au? Odder hat seller von de Hornisgrinde rüwwergmacht, weil sem koi Ruh lasse im Schwarzwald? Un jetzt hat me d’Angscht am Wickel – Todesangscht! Im fortgschriddene Rentealter mach‘sch der scho emol Gedanke ums Finale. Awwer doch bittschee net so – als Abbedidhäpple für en Wolf? Un ich steh do, wie’s Rotkäpple im Märchen. Bloß dass e statt em Korb mit Kuche un Wei nur e Rucksäckle uff heb, mit nix essbarem drin, wie eme Müsliriegel. Ha, e Veschber mit in d’Pfalz zu schleppe, des wär doch Eule nach Athen getrage!

Ich reiß me am Rieme un versuch ganz vorsichtig e bissle schneller zu marschiere – awwer der do hinne macht genau des gleiche. Immerhin kommt er net näher. Er schleckt sich mit gierieger Zung die Lefze, awwer scheints isch er noch unentschlosse, ob er wirklich Hunger hat. Un koi Menscheseel weit un breit. Sonscht dabbe se sich schier dot uff dene Wanderwege – awwer wenn’d oimol ebber brauche könntscht, bisch de Mops. Un net emol e Häsle odder e Rehlein, des den Kerle do ablenke könnt.

Vor mir seh ich en Hochsitz – en ziemlich hohe Hochsitz, der könnt mei Rettung sei. Ja, könnte im Konjunktiv –  wenn do net mei Höheangscht wär! Ich heb se scho immer g‘habt. Un mir fallt e Szene aus meinere Kindhoit widder ei:  mein Vadder steht in de Scheuer vor dere senkrechte Loider zum Owwerdenn, fuchtelt drohend mit de Mischtgawwel rum un brüllt me an: „Un du kleddersch jetzt do nuff!“ Ich hätt meim Bruder beim Heu schichte helfe solle. Statt desse hewwe gheult un gsagt: „Vadder, dann stech me halt dot, awwer ich geh do net nuff!“ Des war s’oinzige Mol, wo ich mein Vadder enttäuscht heb, er war sonscht immer stolz uff me gwese. Awwer er hätt sich halt e mutigere Dochter gwünscht.

Un gnau die steht jetzt im Alder widder vor so ere Loider un hat Angscht – un net nur Höheangscht. Awwer de Wolf im Nacke isch ebbes annerschts wie so e Mischtgäwwele. Un wie von selwer finne meine Fieß uff die Loider nuff. Awwer dann uff de sechstete Spross bassierts: s‘ knirscht unner meim Fuß un die Spross brecht durch. Un jetzt geht gar nix mee. Do häng e zwische Himmel un Erd un woiß nimmee weiter. Ich heb me halt krampfhaft am Holme fescht un ergeb me in mei Schicksal.

Irgendwann, wares Minudde odder Stunne später, hör ich Mensche. Sie rufe ebbes. „Struppi, Struppi!“ tönts verzweifelt immer widder durch de Wald un kommt als Echo zurück. Jetzt komme se um d’Kurv rum un sehe mich. Völlig unbeeindruckt von meinere missliche Lage froge se me atemlos: „Hen sie en Hund gsehe?“ Ich gugg nunner: mein „Wolf“ hat sich verdrückt. „Hen sen net gsehe? So en grauer, scho e bissle älderer?“ Ich schüddel mei rotbemütztes Haupt un bruddel in mein Bart nei: „Was dend ern au net anleine, wenn er net horcht, euern Struppi!“ Dann lös e me aus meiner Starre, kletter die fünf Sprosse nunner un mach me unbehelligt un ohne Käschde uff mein Hoimweg.

Unnerwegs im Auto macht sich dann awwer in meim Innere en kloiner Stolz broit: „Vadder, des hättsch jetzt sehe solle: e halwe Loider hat se gepackt, dei Dochter! Immerhin. Un beinah en Wolf in d’Flucht gschlage!“ Dann schenk ich meim Spieggelbild im Rückspieggel e befreites Lache, leg de nächscht Gang ei un geb Gas.