Hut uff!

Wenn de Herbschtwinn im November ums Eck rum fegt

un sich e heftige Bö direkt uff dein Kopf zu bewegt,

regiert um’s Rumgugge in de Hoor s’Chaos pur

un ma hot von jetzt uff glei e verstruwwelte Sturmfrisur.

Wer so en Struwwelkopf uff seim Dääds net mecht,

der denkt: En gscheite Hut wär jetzt net gwieß schlecht,

der de Sitz von dere sorgfätig gstailte Frisur garandiert

un dezu als Schutz vor dem feichtkalte Wetter fungiert.

E geaignete Kopfbedeckung find sich – Gott sei Dank –

in de Regel uff sellere Hutablag im Schlofzimmerschrank.

Doch der Infrogkommende werd, bevor er Hausdier passiert,

erscht noch vor em Spiegel in de Flurgardrob uffprobiert.

Ma schiebt ihn lässich keck e bissle nach hinne ins Gnick,

dann schräg nach vorne in d’Stirn – des wirkt a zimlich schick.

Hauptsach isch – i denk, dassz do koi zwai Moinunge gebbt –

dass der Hut net wie en Fremdkörper uff em Molle druffbäbbt!

Wenn er dann a noch rundum sitzt un em Träger gut steht,

isch’s egal, wie stark un woher drauße de Herbschtwinn weht…