„Sexy Nights “ verspricht se, die Leewensmiddl-Werbung im Supermarkt noch’m Genuss vun ihre neischde Beiddlsupp-Creazion uff Selleriebasis…

Zwai alde Fraue stehe devor un unnerhalde sich driwwer.

Tja, haiße Nächt‘ soll’s gewwe, wann ma die am Owend gesse ghat hot,  moant e Verkäuferin im Vorbeigehe un lacht

Ph…braucht ma die noch mit bal 80 ?  Was soll’en do „sexy“ sei, wa ma x-mol dann in de Nacht rausmuss un sich meischdens  debai gegeseidich uffweckt  ?

Ha no, ’s kennd jo bei dem viele Uffwaches un de viele Klo-Gäng  mol e bissl ebbes an’eme annere Bedirfnis uffkumme, odder ?   Meiner – un der isch fascht zeh‘ Johr elder wie i- braucht do jedenfalls koi so e Supp vorher, wann’s en mol iwwerkummt….

Jo, geh fort…

Awwer i sag der’s : : dess Gschdräwwl un dess Gschnauf musch erscht mol aushalde !