In meinere Mundart Textdichterei halt ich mich gern ans Wort vom Autor, Harald Hurst, der mol sinng’mäß g’sagt hätt, dass d‘ beim Mundart Schreibe ned im Dialekt üwwertreiwe sollsch, bis zu de Unleserlichkeit. Weil jeder Leser lest de Texscht jo doch in säum ganz eigene Schwätzstil, mit seinere ganz eigene, Innere Stimm.
In meinere Liedermacherei fallts do als määner leicht, mid’m Schnawwl zwitschere, so wie er mir g’wachse isch. De Punkt isch trotzdem, dass ma jo au de Texscht verschtehe will, was bei de englische Lieder jo käum‘ so wichtig isch.
Ich bin in Malsch (zwische Ettlinge und Rastatt) gebore und ufg’wachse. Wie ich ä kläuner Bu war, hän d’Leit als g’frogt:
„Wem g’heersch‘n du?“ und dann.
„Ah, do bisch jo ned von do.“
Des fand ich als bleed. Awwer, es isch än Unnerschied ob üwwer Generatione scho in än Ort verworzelt bisch, odder neig’schmeggt. Mei Eltre sin‘, wie so manche annere Zeitgenosse, in de Folge vom Krieg in sellem nordbadische Malsch ufg’schlage, und des no mid zwäu Brieder. Von de Wiege ab, in denne Läwensraum nei‘gewachse, war’s fier mich vielleicht äufacher, Fuß zum Fasse, als fier de annere Teil von de Familie.
Malsch isch urspringlich als Bauredorf entstanne. Davo‘ zeugt au die Pflugschar im Wappe. In äm Bauredorf wurd ruschtikaler g’schwätzt, mehr Bauresproch, durchaus mit äm gewisse Proleteklang. Bürgerliche Bevölkerungsschichte von de umliegende Städtle hän des sellemols eher als hinnerwäldlerisch wahrg‘nomme. Wie’d Dörfle in alde Zeite viel määner isoliert g’wäse sin, hat sich de g‘mäunsame Zungeschlag jo au üwwer große Zeiträum‘ homogen g’halte.
Ma sagt im Mälscherdeitsch statt „Fünf“ gern „fimpf“, und „Nein“ haißt „Hä-ä“
Am beschte g’fallt mir seller Mälscher O-Laut, wo ma an de Wortendung höre kann. Zum Körperorgan „Leber“ sagt ma uf badisch gern „Lebber“, oder „Lewwer“. De Mälscher sagt „Lebbor“. S’Wördle „Ofongs“, für „Anfangs“, kriegt au so än O-Laut verbasst.
Däd ma de Nordbadische Dialekt, mit seine ganze südfränkische Spielarte, midd’re feschtkochende Grumbier vergleiche, wär’s Mälscherdeitsch, eher mähligkochend.
Gebore in de Vorberge Zone, am Fuß vom Schwarzwald, mit demm nordbadische Hillbilly Sound, g’lagert uf denne ganze Buggl – wo ma sich üwwer de Kronebuggl, de Schwanebuggl, de Saubuggl und denne ganze Erhrbunge durchs Dorf bewegt hot, isch Malsch im Lauf von de Zeit, uf seinere Gemarkung, bis weit in d’flache Rheinebene naus g’wachse. Heitzudag isches ä gut vernetztes, modernes Dorf, attraktiver Siedlungsraum, und de allgemeine Schwätzklang hot sich jo au verännert. Die Glocke von St. Cyriak klinge awwer noch grad so wie in mäunere Kindheit. Und de Ton, vonnem äusame Moped, was sich durch de Ort bewegt, mäun ich noch heit gut zu heere.
Än Große Dank an die Leit und Vereinigunge‘ un‘ Initiative, die sich middem Dialekt befasse, und sellen reiche Wortschatz bewahre! Die Hüter von äm regelrächte Sprochmuseum!
Wie ich schbädor – „herang’wachse“ – Malsch verlasse häb und mid meinere Neigier uf d’weite Welt, zunäkscht im hessische Darmstadt g’landet bin, hän d’Leit g’sagt:
„Dich versteht käu Sau.“
Un jetzat? Jo Super!
(Uf Mälscherdeitsch: „Subbor!“)
Mei äldeschter Bruder hat mich – von Kindesbein‘ a‘ – in de Sechziger Joahr, regelrecht systematisch, mit de angloamerikanische Musik z’samme gebrocht. Vom große Röhreradio middem grüne „Aug“ mid Bananestecker uf’s Tonbandgerät üwwerspielt, Vinylschallplatte, große und kläune: Vornehmlich de Delta Blues, awwer au de Beat und de Rock n Roll! Er hod mich als unnerbroche und ufgeregt g’rufe:
„Komm mol schnell her! Schnell!“
Heah! Ich häb awwer begeischtert d’Ohre g’spitzt und des nei gezoge.
Jährlen später war ich viel mit hier stationierde amerikanisches G.I.‘s z’samme’komme. Mei Englisch von de Schul, war jo ned verkehrt, awwer selle Cowboy-Sproch häb ich donn uf de Stroß g’lernt. Käu Wunner, dass ich als Buddy Hills so viel Countrymusik singe due. Und ich häb noch määner vielfäldige sprachliche Aktivitäte. So au mid mei’m Wohnsitz im Elsass, wo ich mich – was garned leicht isch! – mit de französische Sproch zu beschäftige häb.
Ala! Ma schwätzt, wie äum de Schnawwl g’wachse isch, und de Schnawwl wachst ä Lääwe long.
Ich häb viel Zeite dauerhaft mit annere Dialektregione verbrocht. Mei Habitat geht scho – ewig un‘ drei Dag – längs un‘ quer und nüwwer und drüüwer, üwwer de Rhein. Drum bin ich g’fühlsmäßig au äufach au ä „Kind der Rheinebene“.
Mei berufliche Tätigkeite hän viel mit Kommunikation zu due g’hätt. Do entwiggelt sich dann, ganz audomadisch, im Lauf vom Lääwe, ä aigene, barrierefreie, Verkehrssproch‘.
Awwer! Jed’smol, wenn ich middem Mälscherdeitsch z’sammekomm, werd mers worm ums Herz! Und’ Ohre glühe vor Freid! Weil des isch donn äufach mei tiefscht verworzelde Sprochheimat.