Kirschdezeit
S’isch widder soweit!
Im „Bodewetter“ – Monat Juni isch Kirschdezeit.
De Opa durchblättert uffmerksam jeden Eikaufs – Prospekt.
Er sucht nach Kirschde für sei alljährlichs Erinnerungs-Projekt.
Aha! Do gebbt’s von dem saftigsüße Kernoscht in Rot
welche aus de Region für 8 Euro 90 s’Kilo im Agebot.
Wennd hoffentlich Glück hasch, kann’s sogar sei,
s’sen e paar Zwillingskirschdepärlen debei.
Für d’Fortschreibung von dere ugwehnliche Gschicht
aigne sich nämlich bloß selle am Stiel zammegwachsene Frücht.
Mit dene kann ma – awwer uffbasse! Net zu arg spanne odder drügge –
d’Ohre von de Dame in seinere Familie schmügge.
Ihr mechtet gern wisse, an was de Opa denkt,
wenn er die Kirschde bei de Enkelinne un de Oma an d’Ohrläpplen nahängt?
Genau des hat er nooch ihre allererschte Sternehimmel – Nacht
im Juni 1969 – also im legendäre „summer of sixty-nine“* – bei de Oma gmacht.
Sie sen sich bei de Sonnwendfeier uff em Gretzinger Knittelberg näherkomme
un hen sich – !kurz für immer!** – erschtmol stunnelang in Arm neignomme.
Uff em Hoimweg bei Sonneuffgang hat se en Kirschdebaum eiladend grüßt
un ma hat des „Sich gfunne hawwe“ mit ere Hannvoll Kirschde versüßt.
Die zwai scheenschte Kirschzwilling hen de Oma ihre Ohre ziert.
Ma isch „bis üwwer baide Ohre verliebt“ in e gemoinsame Zukunft marschiert.
Den Start als lebenslangs Liebespärle feiere d’Oma un de Opa jedes Johr
zamme mit ihre Enkelinne mit knallrote Kirschdepärlen am Ohr.
Warum beim Hiehänge von dene Glischdemacher sei Herz vor (Vor)Fraid hopft?
De Opa hat se aigehändig selwer von eme eiladende Kirschdebaum zopft.
S’gsparte Geld hat er bei de Enkelinne ins Sparkässle gschmisse.
Wie die 57scht Gedenknacht “ausgschmüggt“ worre isch, braucht koiner wisse…
O Wolfgang….was fer e scheens Kersche- odder Kerschdepärles -Gschichtl (wie ma bei uns sagt),
hot’s d‘ Rosi, Dei „Herzkerscht“ a schun zu lese griegt ?