Sache gibt’s !?
Geschtern hat me mein alter Jugendfreund Hannes widder mol
bsucht. Un wie immer hemmer ausgiebig von de scheene alte
Zeite gschwärmt.
Un dann hatter verzählt, dassem beim Pinkle en Dausender ins
Klo neigfalle wär. Ich habb jo scho die merkwürdigschte Sache
ghört, abber dass jemand beim Pinkle en Dausender ins Klo nei-
gfalle sei soll, des habbe mer beim beschte Wille net vorschtelle
könne. Un dann hatter me uffgeklärt:
Weil sei Gehör immer meh’ nochglasse hat un seinere Fraa des
zu bleed worre isch, beim Fernsehe andauernd uff sei nervige
Frogerei ”
was hatter gsagt” zu antworte un weil de Familiefriede
ernschthaft gefährdet war, hatter en Hörtescht mache lasse un
sich dann für zwaiehalbdausend Euro e Paar Hörgeräte gekaaft.
Alles widder gut, de Familiefriede war widder hergschtellt un de
Fernsehobend war a widder harmonisch, bis ….
zu sellem Obend, woem beim Pinkle nachere ugschickte Bewe-
gung des aine Hörgerät ausem Ohr in d’Kloschüssel neigfalle un
uff nimmerwiddersehe verschwunne isch.
Krampfhaft hatter übberlegt, wann un wie er des seinere Fraa
schonend beibringe kann. Er wird wohl en Dag abwarte müsse,
bisse widder emol gut glaunt isch. In Gedanke hört er se jetzt
scho schelte: “Des gschieht dir jo grad recht! Sowas kann a nur
dir passiere. Nur schade, dass net alle zwai ins ins Klo gfalle sin,
dann hätt sich’s wenigschtens rentiert ! Un des wär net passiert,
wenn uff me ghorcht hättsch. Wie oft habbe dir scho gsagt, dass
mer sich beim Pinkle uff d’Kloschüssel setzt!”

…. wo se recht hat, hat se recht !