Badische Gutsele
präsentiert von Thomas Liebscher und Thomas Heitlinger (c) 2019-2020

Der badische Blog!

Mit einem wöchentliche Beitrag, Montags oder Mittwochs oder ganz spontan:

 

Neueste 5 Einträge

  • Doligge
  • Abhooge
  • Mercedes
  • Gastbeitrag von Michael Köhler: sieß wedder
  • Alles rum...

2020-05-20

Alles rum…

Alles rum…*

An Chrischdi Himmelfahrt
de aig’ne Himmelfahrt (noch) drotze
un weit iwwa achzich naus
mi’m alde NSU-Drohtesel
wu ma mol vor fuchzich Johr
beim Preisangle gwunne ghat hot
ubeschwert un leichdfießich
in de Vadderedag neidrebble

Uff'’m Fischerfescht drunne
sich unner d’ Leit setze
eng uffenanner Schbrich glopfe
en Halwe schbendiert griege
un zum Middagesse uff de nägschd eilade
Sich iwwa ’s Ur-Enggele fraije
wo oam schun vun weidem zuwinkt
un zum Noochdisch sich noch en Kaffee gunne
un e groß Schdigg Schwarzwälder dezu

Bei so’me gfillde Bauch jetzt noch de Ei’fall griege
all denne drumdrum
e gloans Weltwunner zu bräsendiere:
denne de  dickscht Boamschdamm en de ganze Umgegend
zu weise

Mit ausgschdreggde Ärm werd dort Maß gnumme
iwwa finf Meder Umfang  bewunnert un beschdaunt
a wa’ma middldrin so jesusmeeßich iwweral
’s iwwagangene Middagsdief schbiert

Sich en gloane Moment lang bang frooge
Ob’s noch mi’m Rad fa hoamwärts langt

Awwa ma fährt jo dessmol net elloi… [Mehr lesen…]

Angelika Futterer - 22:39:15 @ Angelika Futterer | 1 Kommentar

2020-05-10

Heimat - in Zeide wie denne…

Mein scheenschder Blatz . [Mehr lesen…]

Angelika Futterer - 10:00:27 @ Angelika Futterer | Kommentar hinzufügen

2020-04-28

MASKERADE-GEDANGGE…

MASKERADE-GEDANGGE…

zum BNN-Foto-Bericht „Die Maskenpflicht gilt für alle“ , Ausg. [Mehr lesen…]

Angelika Futterer - 22:10:48 @ Angelika Futterer

2020-04-08

Vum „Uffgeh“ un „Groode“

Vum „Uffgeh“ un „Groode“
- e Begegnung mi’m Alder –

`s git wirklich nimmi so viel
wu’ere eileichde ded
en dere Welt um si rum

a  kaum noch ebbes
wu ehre Au(j)e zum Leichde bringt
ebbes wu si so drifft innedrin
dass de negschd Dag a noch
en onnere werre kennd

Ebbes , wu oifach gut isch…

En ehre Au(j)e
groot hei tzudag sowisso
kaum noch ebbes
jedenfalls net so wi sie sich’s vorschdellt
…bis uff…
Bis uff ehr’n Hefedajig…
der dud halt allemol noch schee uffgeh un groode
                                                            un den mecht si desweje  viel un  oft un immer widder  !

Angelika Futterer - 06:10:34 @ Angelika Futterer

2020-03-24

Weihnachtsengel em März 2020

Weihnachtsengel em März 2020

Hey, kennd’er eich vorschdelle, dass bei mir noch d‘ Schdroh-Weihnachtsengel e Verdljohr noch Weihnachde immer noch an de Kichefenschder hengge . [Mehr lesen…]

Angelika Futterer - 06:06:15 @ Angelika Futterer