Badische Gutsele
präsentiert von Thomas Liebscher und Thomas Heitlinger (c) 2019

Der badische Blog!

(Jeden Montag mit einem neuen Eintrag)

Neueste 5 Einträge

  • Die Glasdier beim Bäcker uffäm Dorf
  • Gastbeitrag: E himmlischi Unterhaltig
  • Die Karlsruher Mess!
  • Der Trainer
  • Zeitumstellung...

2019-11-08

Gastbeitrag: E himmlischi Unterhaltig

Und in dieser Woche ein Gastbeitrag von unserem Freund Markus Manfred Jung aus dem alemannischen Sprachraum. Vielen Dank für die Genehmigung zur Veröffentlichung in diesem Blog:

E himmlischi Unterhaltig
Zum Petrus in de Himmel chömmen am selbe Tag de Ruedi vo Basel: Er isch am Herzchaschper gschtorbe, won er gläse hät, ass d Aktiekürs in Cheller gange sin. De Rudolphe us Hünige/Huningue: Er hät selle Hecht, won er us em Rhii gfischt hät, au selber gesse, je nu. Un de Rudolf us Wiil am Rhii: Er isch mit sim BMW mit 180 Sachen in e Nebelloch iinegfahre, wo scho voll gsi isch.

Zerscht chunnt de Ruedi, un de Petrus meint: „Häsch du e Duusel, Ruedi! Du chasch di Zimmer teile im Parediis mim Hüniger Rudolph un em Rudolf vo Wiil am Rhii.“ Wo de Ruedi e bizz rägesuur luegt, do froogt de Petrus so schreeg vo obe: „Hä, sag emool, bisch öbbe nit zfride, du?“ „Hä, wie soll i au mit däne schwätze“, murrt do de Ruedi, „Dütsch han i jo in de Schuel läse glehrt, gschwätzt han i das aber nie. Französisch verschtand i jo, aber nit,
wenn s en Elsässer Waggis schwätzt. Un wenn i uf Schwiizerdütsch chumm, do lacht sich de Schwob ein ab un sait, i wär e Chünggelibuur.“

Do chunnt de Rudolphe, un de petrus sait em s gliich. „Mon Dieu, mais, wie soll isch denn mit dänne redde“, meint dä glii. „Wenn die min Franzeesch here, mueß isch misch schämme, well si s besser kenne as wie isch. Uf diitsch kann isch hegschtens inkäufe im Süpermarschee, un Elsässerditsch redd isch bloß mit de Mammema.“

Un de Rudolf zletscht meint gar: „Um Himmelsgottswille, do krieg i s Muul nit uf. I cha kei Wort Französisch ußer l’amour un e bizz flueche. Schwätz i mit em Basler unser Alemannisch, merkt er, ass i e Dütsche bi, bricht sich ein ab mit em Hochdütsch un hät e Wuet uf mi däwäge. Schwätz i aber Hochdütsch, denke beidli glii: Loos ane, so ne arrogante Seckel.“

De Petrus verzwazzlet fascht un will jedem vor Wuet grad en Einzelzelle gä, do goht uf eimool de Himmel uf, un e gwaltigi Stimm dundret: „Schwätzet grad eso wie jetz, noverschtöhnt er euch, ihr Huetsimpel, un ii euch au. Amen!“

(c) 2019 Markus Manfred Jung

Thomas Heitlinger - 18:29:46 @ Thomas Heitlinger