Badische Gutsele
präsentiert von un im badischen Blog (c) 2019-2021

Der badische Blog!

Mit einem wöchentliche Beitrag, Montags oder Mittwochs oder ganz spontan:

 

Neueste 5 Einträge

  • Seelenentsorgung
  • Mein Kraichgau
  • De Covid
  • Unsìchtbàr
  • Vom Sport mache!

2021-01-10

Tea-Time

Zeit für en Tee

Du, horch emol her! Nemm dir doch fir’s neie Johr
so e regelmäßige Unnerbrechung vom Rumwurschtle vor.
Manchmol braucht’s nämlich tatsächlich net meh,
wie e frisch uffbriehts, duftends Tässle Tee,
um sich beim gmiedlich Nohogge un Trinke
aus’m Schaffe un Mache mol auszuklinke.
Bloß 10 Minudde odder e Viertelstund,
vielleicht mit ere gern gherte Musik im Hinnergrund.
Während’m genisslich Schlirfe un Schlugge,
derfsch a ruich in e guts Buch neigugge.
Des regt – je nooch momentaner Befindlichkait- ab odder o.
Was Entsprechends werrsch zu Weihnachte bstimmt gschenkt kriegt ho.
Un de bassende Tee mieschtsch aigentlich a noch finne!
Siehsch! Dann kenntscht jo jetzt glei mit dere Tea-Time beginne.
Ster de net dro, wenn sich ebber anners dro stert.
Glaub mer! - mit so ere Tee-Lese-Paus liggsch garantiert net verkehrt.
Wenn’d nore machsch, langt dir so e selbscht verordnete Mußezeit
a noch für e zwaite Tass Tee un e weitere Seit.
Allemol erholsamer isch’s allerdings, sich net zu beeile
un e bissle zu sinniere iwwer s‘ Ugschriewene zwische de Zeile…

Wolfgang Mueller - 01:02:25 | 1 Kommentar