Badische Gutsele
präsentiert von un im badischen Blog (c) 2019-2021

Der badische Blog!

Mit einem wöchentliche Beitrag, Montags oder Mittwochs oder ganz spontan:

 

Neueste 5 Einträge

  • Nadur
  • Dumm gebabbelt isch glei
  • Meinungsumfrage!
  • Knuddeldag
  • Seelenentsorgung

2020-12-01

Flockedanz

Ganz hortich emol

Flockedanz
Homlich leis
Unn sou langsom werd’s jetzt weiß 

Flocketreiwe an de Scheiwe
Steh I unn guck naus
D’Welt sieht glei mol anderscht aus

Flockestiewe
Net gebliewe werd im Haus
I muss naus
Muss mi an dem Wunder lawe
Will sie fange
Will sie spiere
Wie sie grad mei Gsicht beriehre

Flockedanz
Hauwe, Kranz, Hietle uff
For alle Sache
Weiß,  juchhe
Eeeennndddlich(!) Widder mol richtich Schnee

Heidrun Eyermann - 07:27:24 @ Heidrun Eyermann | Kommentar hinzufügen

2020-08-16

De Summer geht fort

Noch  de Ern
An eme Dag wu blous d Schwalwe kenne
Geht de Summer fort
Er schwingt sich oofach so
Ins Himmelsbloo
Ganz im Glick
Mit eme strahlende Blick
Winkt er zurick 
Der Strick 
Mecht sich devu
Ins Weite
Unn ich steh do
Oofach so
Unn kann en net begleite…

Heidrun Eyermann - 12:06:08 @ Heidrun Eyermann | Kommentar hinzufügen

2020-08-07

Summerblumme

Summerblumme
Sunnekinner
Lauder scheene, lauder Scheene
Spiele mit mer Fangerles
Noch tu I mi streiwe
Kann net bei Eich bleiwe
Will weider, muss fort
Ihr werd mi net kriege
Awwer die Farwe, die Fille
Muss weider. [Mehr lesen…]

Heidrun Eyermann - 00:26:02 @ Heidrun Eyermann | Kommentar hinzufügen

2020-04-07

Psalm 73, 23-26, 28

En Beitrag zur Karwoch
De Psalm 73,die oogewwene Vers senn v. [Mehr lesen…]

Heidrun Eyermann - 01:55:17 @ Heidrun Eyermann

2020-03-23

Sou en Kees!

Mol was ganz anders:
Wie wärs mit eme gudde, oofache Esse. [Mehr lesen…]

Heidrun Eyermann - 00:24:04 @ Heidrun Eyermann | Kommentar hinzufügen