Neueste 5 Einträge

  • Der See
  • Uff de Hund kumme...
  • Strandkorb
  • D' Luft
  • Nooch em Klimawandel

2020-07-06

De Fraa Appel ihn Bobbl

D Fra Appel hot ihrn Rappl:
Sie rast heit iwwer Biggl.
Uf ihrm Rad kriegt se Fliggl
un schwitzt in ihrem Kiddl,
ganz ohne Dopingmiddl.
Sie nimmt blos rohe Zwiwwl,
dem hinnedro werds iwwl.
Mensch, hot die e Kuddl,
so e aldi Huddl!

Ach Gott, do kummt en Kiwwl,
s werd gfährlich fer ihrn Riwwl.
Sie fliegt – voll uf en Opel
vun so me alde Knobbl.
Jetzt lond se uf ihrm Buggl
un plärrt glei wie en Zwuggl.
So hot vun ihrem Rappl
d Fra Appel jetzt en Bobbl.
Un unser bleds Gebabbl.

Thomas Liebscher - 08:12:19 @ Thomas Liebscher